Popular Bible Verses from 1 JOANE 4

Share

Igê na hetakuiha ki asa vi na maguha. Manga God, ma ki takuigia bâraha ngavê, igia ki asa iaka, vi ge magu. Tahema na enoni, i pe hetakui bâkoro ngavê, ngaia ki magu, suria na maguha ki râ henia na hagaitangiha.

Kariaku hetakui, igamu na kariana God, ma igamu kamu bani teharira noga na poropete hagaparu. Na Higona Apu ki angarigamu, ma ki ramo teharia Satana, i oga i pasita na kariana.

God ki takuigia hagenago. Tahema igia ka hetakuiheri.

Goaku hetakui, ga ama ni hetakuiheri nga, suria na hetakuiha ki râ me tenia God. Na enoni, i hetakui, ngaia ki na karena God, ma ki aitangisia God.

Na enoni, i pe hetakui, ngaia ki pe aitangisia God, renia God ngaia ki na hetakuiha.

Na hetakuiha monari ki manga ikê: igia ki mareha vi ge takuia God, ma ngaia hete kani takuigia, ma ki hagatorangenia me o Karena, hanana i kasia na mena renigi na tasi iaka.

Goaku hetakui, suria God ki takuigia bâraha ngavê, tahema i tuguhigia, vi igia nogaka ka hetakuiheri.

God ki bani hagabângenia tangagia, suria i takuigia, vikê: ngaia ki hagatorangenia me i maveta o Karena i tage, hanana i hagamaurigia renia ngaia.

Ata ni vi ma: manga vi ta na enoni, ma ki vi, “Inê kê takuia God,” ma ngaia ki merongasia tare na tamana, ngaia ki na enoni ni hagaparunga. Ngaia ki bâsia na tamana, ma ki pe takuia. Ma ki manga i he kani girara i takuia God, suria ngaia ki pe bâsia God? Manga ngekana, ki asa hagetage!

Manga ta na enoni, ma ki tongesuria o Jesu, vi ngaia ki no Karena God, God ki goga igê na obahahaku henia, ma ngaia nogana ki obâbahaku henia God.

Hoita, ikê na ramata, God i bani vategia renia: na enoni, i takuia God, ngaia ki tuguhia, i takuia nikâ na tamana.

Goaku hetakui, siana kamu tongesurira na enoni hato, ga visia, vi ngaira ka nahunia na Higona Apu, ma kamu bâsia noga, manga vi ngaira, ma ka paronga suria na obaniha iana God, se mareha. Renia i maveta ka rako na poropete hagaparu. Igamu kamu bâgirara, vi na Higona Apu ki manga ikê: na enoni, i tongesuria o Jesu Kirisito vi vora re enoni, ngaia ki nahunia na Higona Apu.

Ma na enoni, i pe tongesuria, vi o Jesu ki vora re enoni, ngaia ki pe nahunia na Higona Apu. Ngaia ki takotako manga na Merongana o Kirisito. Igamu kamu bani rongoa, vi ngaia ki page arâ me. Hoita, ngaia ki gâga i maveta i na matena i ngekê.