Popular Bible Verses from Apocanisi 11

Share

Majoya pea esohuidojojjiya ojaya emiajji mia canaje. Mia cajo pea cuana eyajo baꞌe janobajjima nei sohuicuayanaje jama baꞌa: “Eyacuiñajji, miya ojjaña huoojeajji poani, ojjaña meshijo baꞌeca cuana huoojeajji poani. Miyaya huoojeanaje Quito, mique huoojeaꞌyo ojjaña cuana jaahuanajji. ¡Jesosa Quito ojjaña huoojeajji po meecue! ¡Ohuaya ojjaña cuana cahuoojea cahua tii tii!” Jamaya oya cuana poanaje.

Ojjaña dejja mimishi cuaa miya jeabichajea sa acani. Jamatii miya ona nijje quea quene nee nee poaje jjeya nei; quea nee nee po meejeꞌyo. Eꞌe, jjeya miyaya dejja mimishi cuana quea nee nee po meeje, oya ojjaña meshijo baꞌe napajji poanajejojo. Eꞌe, ojjaña yahuajo nei emanoꞌyo jjeya miyaya huohuije miquea ejjashahuabaquijji onajaya ebaꞌejjijo. Dejja quea mimishi poa quea nee nee po meejeꞌyo. Miquea esohui huohuijji cuaa, Jesosaja epeejji cuaa miquea esohui jayojja jama acanijo ca ca miyaya quea bihui nee po meejeꞌyo. Minijje ani tiitii meejeꞌyo peaꞌai ojjaña miquea epeejji, eshoꞌi cuana, etii cuana peaꞌai”. Jamaya Jesosaja epeejji etii cuana poaje.

Eyaya ecuea becanejjijji peaꞌai esohui huohuijji huoojeaje dejja cuana huasijje ecuea esohui huohuiya. Eyaya oya cuana ecue sohui huohui meeje quea huiso cahuijo, 1.260 cahuime. Ohuaya pea daqui huosho caje, dejja emanoꞌyojo quea yeno nee nee poani jayojjaya. Jamajjeya ojjañaa ba caje ojjaña meshijo baꞌeca cuana quea nee nee poaje.

Jamatii pea beca peejjima cahuime poajo Eyacuiñajjiya ma beca esohui huohuijji shequi mee caje oꞌoya. Nequisohua mee caje oꞌoya peaꞌai. Jamajjeya ojjaña dejja mimishi cuana oya cuana eshe oꞌoya ba majje quea mete nee nee poaje.

Eyacuiñajjiya jiquio esohui huohuijji quea caꞌa po mee cani. Jamajjeya ohuaya jama acajeꞌyo baꞌa: Eyacuiñajjija esohui huohuijji poaniya ohuaya ena chamaꞌ po mee cani. Quea jabo po mee cani. Ohuaya sa majje enaꞌ jayojja po mee cani cuei cuana, bae cuana peaꞌai. Ohuaya sa majje ojjaña cuana napa cani peaꞌai.

Ma ecuea becanejjijji peaꞌai esohui huohuijji cuana beca onimo acui cuana jayojja. Oya cuana beca cuaquijiji nequijji Eyacuiñajji cojja nei nequi jayojja peaꞌai. Jamajjeya ojjañaa ba caje Eyacuiñajjiya oya cuana jaahuana cani. Eꞌe, onaa esohui huohuijji napa cajo cuaqui cuayani ojaya enabajje, o napajji poani quiyojeaje dejja mimishi cuana. Jamaya ojjaña manojeꞌyo, ma beca esohui huohuijji napajji poani.