Popular Bible Verses from Apocanisi 10

Share

Yahuajo Eyacuiñajjiya ojaya esohui huohuijji cuana huohui mee ca poa ma ohua quijje nei acaje. Quijje pishana pea esohuidojojjiya quijjeyejje neiya ojaya emiajji mia caje. Eꞌe, ojjaña ba mee caje Eyacuiñajjiya acaje cuana ma yahuajo oja dejja cuana ba mee jjima poa, ma ohua quijje acaje peaꞌai, maya yahuajo nei onajaya quea quehua poanaje —jamaya ma esohuidojojji poanaje. Me oejje oe esohuidojojji cuaa emiajji cuana mia canaje.

Majoya pea eyajo nequiya eya huohui ca oꞌoyanaje jama baꞌa: —Huaniya, ¡quea huiso dejja cuana huasijje, ojjaña meshi cuana huasijje ojjaña pea mimime cuana huasijje, quea huiso emeshi mese yasijje peaꞌai huohuiquicue ma Eyacuiñajjiya quijje acajeꞌyo! —jamaya poanaje eyajo nequi.

Majoya eyaya, Huaniya banaje eyajo pea esohuidojojji baꞌeoqueani meshi yasijje. Oya bo oshe biajje nequi. Ojaya daqui bo oshe nei nei jayojja. Ojaya sapa biajje eshijje quea bame nee nee jayojja ejjanequitoquiꞌyo nequiani. Ojaya ecojja quea jiji nee nee eshequi jayojjaya poani. Ojaya equise jijiani, equi yamajjana acui caꞌa jijiani jayojja jama poani.

Jamajoya eya poquinaje esohuidojojji yasijje. Eyaya oya huohuinaje jama baꞌa: —¡Quiacue mo ejee etehueꞌyo! Jamajjeya eya ohuaya huohui canaje jama baꞌa: —Eꞌe Huani, maꞌaje. ¡Ejee etehueꞌyo ijjiacue! Miya ijjiajje quea biquia nee poaje huini jayojja. Jamatii miya ijjiajeajje quea pase nee nee see aijo poaje —ma esohuidojojji poanaje. Jamajoya eyaya ejee etehueꞌyo jjeshe majje ijjianaje. Quea biquia huini jayojja poanaje. Jamatii eya ijjiajeajje quea pase nee poanaje see aijo. Jamajjeya eyaya banaje ma esohui etehueꞌyojo quea huiso cuana quea nee nee poajeꞌyo.