Popular Bible Verses from Salmos 18

Share

Avirotaque jocaacoventanari naventari, oipacacoventanari. Notasorentsite, piquempetimotaquena ojenoquiti imperita jocaacoventanari jero ashirotatsiri ticaacoventanari, aisati Oavisaacotanari pitasorencaqui, eiro imatacoyeetantanatsi nomanapinitantari.

Ora yoametantiri Tasorentsi ocameetsatasanotaque, aisati icashiacaaqueeri, irotaque ashiretasanotantearori. ¡Iticaacoventiri Tasorentsi maaroni shiretariri!

Notasorentsite, ocameetsati noncantacotempi: Picameetsati. Ariorica naventimpi, poavisaacotana, caari imatantana quisajeitanari.

Opomerentsitimotantaquenari, naventacari Notasorentsite, nocantaqueri iramitacotena. Ari iquemaquena anta Ivancoqui; iquemasanotaquero nocajemantacariri.

Notasorentsite, piveshireacaayena, nosavicanteari cameetsa. Onquempetimotantenari piquitaiteacotana tsiteniriqui.

Iriotaque Tasorentsi matacaanari aisati oameetsatanari nosavicantari cameetsa.

¡Yaneasanoti Tasorentsi! ¡Icameetsataque jocaacoventanari! ¡Ocameetsati impincatsayeeteri Tasorentsi Oavisaacotanari!