Popular Bible Verses from Proverbios 22

Share

Ocameetsati poameteri cameetsa jananequi ainiroquera ijananequiti; eiro catsini ipeacotantarotsi ariorica irantearitanaque coajica.

Yora caari shemetatsi aisati pincatsatiriri Tasorentsi, oshequi timimotasanoterineri, impincatsayeeteri aisati intime cameetsa.

Iro cameetsatasanotatsiri irineacameetsatasanoyeetee antimerica cameetsa, anaacotiri intimimotasanoyevetee oro jeri plata.

Eiro pitsipavintsataritsi aisati picarateri caari neashitantacha aisati quishincari

Yora intacotariri itsipapee, intasoncacoventeeteri iriori; tempa ipaarantapinitiri yoari coiteaveetatsiri.

Yora quenqueshireachari yamaacoventasanotaro covencayetatsiri, eiro avishimotantaritsi; irintiquea caari quenqueshireacha, aiquero irijatatiye inquemaatsitearo.

Yora ashitaarantincari ipincatsariventiri coiteaveeyetatsiri; aisati pimantatsiri quireequi, ipincatsariventiri coacotantayetatsiri.

Yora ashitaarantincari aisati coiteaveetatsiri iquempeavacaajeitaca, iriotaque Tasorentsi vetsicajeitaqueriri apiiteroqueti.

Eiro picoshitiritsi coiteaveetatsiri, pineaqueririca tecatsi timimoterine, aisati eiro poashinoncatashitaritsi cantacoventantatsiriqui caari materone irojocaacoventea. Tempa ario impiacoventaqueari Tasorentsi, iroashinoncaasanoteri jaanicarica oashinoncayerine.