Popular Bible Verses from Salmos 91

Share

Ña gi Na'sune afapa qquen suya: “Tiseja ñama coira'supa ña ta'etssia tsa'oa'can tsu. Ña Chiga tsu, ñama ñotsse'yi tson'su.”

Majan a'i Osha'choma Oshacho'cho Chigai'ccu can'jen'da tsu Ñoa'me Joccapitssia Chigambe tumbianccunga ño'faya.

Ñama iñajansi gi pañamba afaya. ¡Nane ña gi tisei'ccu can'jeña! Tise injama'choma gi vuiquiaña cuintsu opatsse can'jeñe. Toya'caen gi tisema ñotssiave tsoña.

Nane Na'suja tisema sefacconi'su shondosundeccuma mandaya cuintsu mani que jacan'ni'qque coira'je'faye.

Nane arapa tise sanccopai'ccu du'shuma piccoqquia'caen tsu tiseja quema coiraya. Tise sanccopa tsosiccuni can'jensi tiseja ñotsse'yi quema tsomba quema piccoqquia'caen a'tupa an'biaña.

Nane Na'su Chigai'ccu can'jensi Joccapitssia quema coira'jesi jongoesu ega'ja ccatsse quema patsuye oshaya'bi. Toya'caen jongoesu paqque'su'qque que tsa'onga ca'niña'bi.

Ñoa'me tsu tiseja quema ccushaeña cca'i quema indisa'ne. Quema tsu ega paqque'su'ye ccushaeña.

Nane mil a'i setsayepa que pavefanga pa'fa'ni'qque queja ccushaya. Toya'caen diez mil que tansifanga amppi'fa'ni'qque quengaja catseya'bi.

Tsa'cansi qui cose dyombe jacansi a'ta'qque battittianccu ja'cho quema deya'bi. Paqque'su'qque sinttia'ye tta'ttaqquia'caen quenga setsaye oshambi ni a'ta'su'qque catseya'bi.