Popular Bible Verses from Salmos 103

Share

Pa'cco ña canse'pai'ccu gi Na'suma ñotsse afaya. Ni fae'ccoeyi'qque tise ñanga ñotsse tson'jen'choma aqque'paya'bi gi.

Na'su tsu pa'cco ña egae tsincon'choma joqquitssian'su. Tise tsu pa'cco ña paji'cho'ye ñama ccushaen'su. Tise tsu ñama pa'cho'ye qquendyaen'su. Nane tise ñotsse in'jan'choi'ccu, tise mende'yepa afe'choi'ccu tsu ñama ttupa an'bian. Osha'cho bove ñotssiai'ccu ña injama'cho in'jan'choma vuiquian. Nane cuna tose sho'yosi pindo quin'anme daqquia'caen ingi'qque chu'a quin'sui'ccu canse'faya.

Pa'cco ña canse'pai'ccu gi Na'suma ñotsse afaya. Pa'cco ña in'jan'choi'ccu gi tise ñotssia inisema ñotsse afaya.

Yaya tise dushundeccuma mende'yeqquia'caen tsu Na'suja tise've in'jamba pañasundeccuma in'jamba mende'ye.

Tayo tsu ingi egae tsincon'choma joqquitssian. Nane chiga sombo'je'cho chiga amppi'je'cho'ye biani jinqquia'caen ingi egae tsincon'choma biani joqquitssian.

Na'suja ingima mende'yepa vasuitsse tson'jen. Nane iyu'umbe'yi pa'cco tise in'jan'choi'ccu ingima ñotsse in'jan.

Ingi egae tsincon'cho shaca injan'tssi'ma'qque toya tiseja ingi shacama iñajambi. Nane sefacco pa'cco andema piccoqquia'caen tiseja tise've in'jamba pañasundeccuma tsa'caen ñoa'me in'jan.

Na'suja sefacconi can'jemba manda'jesi tise manda'cho'qque osha'cho jincho tsu.