Popular Bible Verses from Psalmen 40

Share

Een Psalm von David, väatosinjen. Ekj luad jeduldich nom HARN; dan bekjt hee sikj un hieed mie schrieen.

Hee trock mie ut daut jefäadelje Loch un ut dän Somp rut, un stald miene Feet opp een Steen, daut ekj secha go.

Hee jeef mie uk een nieet Leet em Mul, een Leet onsen Gott to lowen. Nu woaren väle seenen, waut Gott fa mie jedonen haft, un am ferchten un sikj opp am veloten.

Dan säd ekj: Ekj sie reed to doonen waut von mie em Jesazbuak jeschräwen steit.

Ekj hool diene Jerajchtichkjeit nich fa mie selfst; ekj hab von diene Woarheit jerät un woo du raden deist. Ekj hab daut en de groote Vesaumlunk jesajcht, woo tru un leeftolich du best.