Popular Bible Verses from Psalmen 119

Share

Dien Wuat es eene Laump, mie dän Wajch to wiesen, uk een Licht, mie dän Stich to bedachen.

Ekj hool dien Wuat em Hoat, daut ekj nich jäajen die sindjen woa.

Woo kaun een junga Maun sien Läwen rein hoolen? Wan hee sikj doaraun helt, waut dien Wuat sajcht.

Seelich sent dee, dee sien Jesaz hoolen, un am von gaunzem Hoaten sieekjen.

Du best mien Toofluchtsuat un mien Schilt. Ekj velot mie opp dien Wuat.

Jeff mie daut, dien Jesaz to vestonen, dan woa ekj daut bewoaren un von gaunzem Hoaten hoolen.

Jeff mien Hoat daut velangen dien Jesaz to jehorchen, leewa aus rikj woaren.

Fa mie wia daut goot, daut ekj em Älent kjeem, daut ekj diene Jesazen lieed.

Mien Troost en miene lieden es dit, daut du mie en dien Jesaz Läwen vesproaken hast.

Leid mie opp dän Stich von diene Jebooten, wiels doa finj ekj miene Freid.

Lia mie, oo HAR, no dien Jesaz to läwen, dan woa ekj daut bat aum Enj hoolen.

Mien Hoat es von Sorjen bedrekjt; stoakj mie soo aus dien Wuat vesprakjt.

Oo woo jieren hab ekj doch dien Jesaz! Ekj denkj aule Dach doaräwa no.