Popular Bible Verses from Spricha 6

Share

Doa sent sas Dinja dee däm HARN jäajenaun sent. Nä, doa sent säwen: stolte Uagen, eene Tung dee Läajes rät, Henj dee oschuldje Menschen doot moaken, een Hoat daut beese Wäaj plont, Feet dee schwind nom beesen ranen, een Zeij dee faulschet Zeichnis jeft, un een Maun dee Oneenichkjeit tweschen Breeda aunrecht.

Go, du fula Pels, no de Eemskje, un kjikj emol woo dee läwen, un nemm Lia aun von dee.

Du sajchst: Ekj well bloos noch een bät schlopen, ekj well mie de Henj toopfoten un utreiwen. Oba noch wan du schlapst woat de Oamoot äwa die komen soo aus een Soldot, dee reed toom Kjrich es.

Mien Kjint, doo waut dien Voda die sajcht, un vejat niemols waut diene Mutta die jelieet haft. Hool äare Wieed emma bie die em Hoat enjeschloten, un henj die dee om dien Hauls.