Popular Bible Verses from Jeremia 11

Share

Sajcht an: De HAR, dee Israel äa Gott es, sajcht: Een Fluch saul opp dee komen, dee nich no de Väaschreften von disen Bunt horchen, woonen ekj june Vodasch aun dän Dach jeef, aus ekj an ut Ägipten, dän jlieejenden Owen, rutbrocht. Ekj säd: Paust opp waut ekj saj, un doot aules waut ekj von junt velang. Dan woa jie mien Volkj sennen, un ekj woa jun Gott sennen.

HAR, dee du aules rejieescht, dee du rajcht rechten deist, un weetst aules waut de Menschen denkjen, lot mie seenen, woo du met an veräakjenst. Ekj äwajäw die dise miene gaunze Sach.

Oba jie horchten nich doano, un deeden nich waut ekj säd. Jie jinjen, een jiedra opp sienen ieejnen beesen Wajch. Doawäajen hab ekj daut nu bat opp daut latste utkomen loten, waut de Bunt säd, dän ekj junt oppjeef un jie nich hilden.