Popular Bible Verses from Jesaja 51

Share

Ekj, ekj sie dee, wäa Troost jeft. Waut es met die, daut du die fa Menschen enjst, dee aula stoawen motten un soo aus Graus veschwinjen?

Ekj hab die miene Wieed en dien Mul jejäft, un hab die em Schauten von miene Haunt beschizt. Ekj spreed dän Himmel ut un laj dän Grunt fa de Ieed. Ekj saj to Zion: Jie sent mien Volkj.

Horcht emol no mie, dee jie weeten waut rajcht es. Jie Lied, dee miene Jesazen em Hoat haben: Habt nich angst wan de Lied junt veachten, un jäft nich opp wan see junt beschämen.

De HAR woat Zion treesten; hee woat aul äare doljebroakne Städa un drieeje Stapen treesten. Hee woat de Wiltnis to een Goaden Eden moaken, un daut drieeje Launt aus däm HARN sien Goaden moaken; Freid un scheen gonen woaren doa to finjen sennen un Leeda dee danken un preisen.

Un soo woaren dee waut de HAR looskjaft no Hus komen, un woaren schrieen wan see no Zion komen. Eene eewje Freid woat an kjreenen; dee woaren jlekjlich sennen un lachen; jrämen un duaren woaren veschwinjen.