Popular Bible Verses from Hesekiel 3

Share

Wan ekj äwa eenem, dee nich aun mie jleeft, saj, dee woat stoawen, un du sajchst am daut nich un woarnst am nich, daut dee met siene Sind opphieet un dän Wajch läwen kaun, dan woat dee waut nich aun mie jleeft en siene Sind stoawen, un du woascht schuldich sennen ver mie, daut dee soo jestorwen es.

Oba wan du däm Sinda woarnst, un dee nich opphieet met de Sinden en sien Läwen, woat dee en de Sind stoawen, oba du woascht dien Läwen jerat haben.

Menschensän, ekj hab die aunjestalt daut du saust een Wajchta sennen fa de Israeliten, un du saust an en mienen Nomen woarnen, jiedatsmol wan du een Wuat von mien Mul hieescht.

Ooda, wan een jerajchta Mensch von sien jerajchtet Läwen wajchdreit, un orrajcht deit, dan woa ekj am tofaul brinjen un dee woat stoawen. Hee woat en siene Sind stoawen un sien jerajchtet Läwen woat am nich toojeräakjent sennen; un wiels du am nich jewoarnt hast, woascht du veauntwuatlich sennen fa sien Doot.