Popular Bible Verses from Liera 1

Share

Wäa väl weet, haft grootet beduaren; wäa väl vesteit, mott väl hanhoolen.

Soo aus daut jewast es, woat daut nohäa sennen; daut waut ea jedonen wort, woat nohäa wada komen. Doa es nuscht nieet opp dise Ieed.

Aules rant un jeit noch wieda, eena kaun nich sajen woo daut schauft; eena kjikjt un woat nich voll von kjikjen, eena horcht un well bloos mea hieren.

Daut es nich to bejriepen, sajcht de Liera, bloos nich to bejriepen. Daut es aulatoop nich to vestonen. Waut nuzt däm Mensch sien sträwen, un aul de Oabeit en sien Läwen?

Ekj hab aules nojeseenen, no waut Menschen oppe Ieed sträwen; un weetst uk, daut es aulatoop nich to vestonen, waut däm Mensch daut halpt. Daut es, aus wan eena dän Wint jriepen well.

De Tieden vegonen un de Tieden komen, oba de Ieed blift emma stonen.

Kjeena behelt woo de Tiet emol wia, waut morjen kjemt es boolt vejäten.

Ekj bemieejd mie to weeten, waut daut meend weis to sennen, un waut daut meend, schoslich un verekjt to sennen. Un mie wort daut kloa, daut et soo schwoa to vestonen wia, aus dän Wint jriepen.