Dise fungen aula tojlikj aun met Trompeeten blosen, sinjen, taktschlonen un aundre Instrumenten spälen, daut sikj daut soo hieed, aus wan ut een Mul dän HARN jeloft un jedankt wort. Dee Stemm von Trompeeten, Zimbeln un Seidenspell hoowen sikj un lowden däm HARN met: “De HAR es goot to ons; siene truhoatje Leew hieet niemols opp!” Dan wort däm HARN sien Hus met eene Wolkj jefelt, soo daut de Priesta wäajen de Wolkj nich nenn gonen kunnen toom Deenst, wiels däm HARN siene Harlichkjeit feld daut Gotteshus.