Popular Bible Verses from 2. Chronik 20

Share

Hee roopt: Horcht häa, jie Lied von Juda, un jie Enwona von Jerusalem un du, Kjennich Joschafat! Soo sajcht de HAR to junt: Jie sellen junt nich ferchten un nich vetwiewlen wäajen dise groote Äwamacht! Wiels dis Kaumf es nich june Sach, daut es Gott siene Sach.

Jie selfst oba brucken nich kjamfen; blieft stonen un kjikjt too, woo ekj, de HAR, fa junt siejen woa. Fercht junt nich, jie Enwona von Juda un Jerusalem! Morjen got an entjäajen! De HAR woat bie junt sennen.

Ons Gott, west du dee nich bestrofen? Wie kjennen ons jäajen dise groote Armee nich wäaren, waut jäajen ons kjemt. Wie weeten nich, waut wie doonen sellen. Doawäajen kjikjen onse Uagen opp die!

Hee berod sikj met daut Volkj un stald de Tempel Sinja en äare Deenstkjleeda aun, ver de Armee to gonen. See sullen däm HARN lowen met daut Leet: Dankt däm HARN, wiels siene truhoatje Leew hieet niemols opp!

Un aus see aunfungen met danken un lowen, leet de HAR waut von Hinjen komen äwa de Amonita un Moabita un dee vom Boajch Seir, dee jäajen Juda loosjegonen wieren, daut see en Vewerrunk kjeemen un sikj jäajensiedich venichten deeden.

Joschafat veschrock sikj sea un bemieejd sikj, däm HARN to froagen, un leet en gaunz Juda eene Tiet opproopen toom fausten.

Wan Ojjlekj äwa ons kjemt, Schwieet, Strofjerecht, jefäadelje Krankheiten ooda Hungaschnoot, dan well wie hia ver dit Hus ver die träden, wiels dien Nomen es en dit Hus, un en onse Noot no die schrieen, un du woascht ons hieren un halpen.

Morjen sell jie jäajen an raufgonen. Wan see dän Wajch von Ziz noppkomen, woa jie an trafen, aum Enj von daut Tol, wua de Wiltnis Jeruel aunfangt.

Un Juda vesaumeld sikj, om von däm HARN Help to sieekjen. Soogoa ut aule Städa von Juda kjeemen see, om dän HARN to sieekjen.