Popular Bible Verses from 1. Petrus 2

Share

Oba jie sent een utjewäldet Volkj, dän Kjennich sien Priestatum to sennen, een heiljet Volkj, Gott sien ieejnet Volkj, daut jie aundre sajen sellen woo wundavoll dee es, dee junt utem diestren rut jerat, un en sien wundaboaret Licht jestalt haft.

Jesus selfst neem onse Sinden opp sien ieejen Kjarpa met opp däm Kjriez nopp, daut wie fa de Sind doot sent un fa de Jerajchtichkjeit Läwen kjennen; wiels derch siene Wunden sent wie jeheelt worden. Wiels jie erden aus vebiestade Schop, oba jie haben junt nu oppjemoakt to dän Hoad, dee äwa june Seelen woakt.

Jie talden emol äwahaupt “nich aus een Volkj”. Nu oba sent jie “Gott sien Volkj”. Jie stunden to eene Tiet nich unja de Jnod, nu oba hab jie Jnod jefungen.

Soo aus niejebuarne Kjinja no reine Malkj schrieen, sell jie een velangen no jeistliche Noarunk haben, daut jie doaderch waussen un toonämen

Leefste Frind, jie sent hia framd, un reisen hia bloos derch, wiels jun werkjeljet Tus em Himmel es. Doawäajen bedd ekj junt, hoolt junt frie von de beese Lost en dise Welt, dee es nich fa junt, dee well june Seelen en de Grunt brinjen. Siet väasechtich, daut jie junt mank june onbekjieede Nobasch jescheit benämen, soo daut, wan see junt opp Vedocht haben, un junt aus ojjerajcht stamplen, see doch Gott woaren lowen motten fa june goode Woakjen, wan Jesus Christus komen woat.

Un lot von junt, soo aus von läwendje Steena, een jeistlichen Tempel jebut woaren, daut jie een heiljet Priestatum woaren, derch Jesus Christus jeistliche Opfa to brinjen, aun dee Gott een Jefaulen haft.

Dan lajcht nu aulet schlajchte auf. Siet nich hinjalestich. Heichelt nich un siet nich aufjenstich, un habt kjeen Jepluda.

Dan komt no am, dän läwendjen Steen, dee von de Menschen veschmäten wort, dee oba von Gott jewält un wieetvoll es.

Jie sent frie vom Jesaz, oba daut meent nich, daut jie june Frieheit brucken kjennen schlajchtet to doonen. Jie sellen june Frieheit brucken Gott to deenen.

Wiels Gott well, daut jie derch goodet doonen de Schosel daut Mul toostoppen sellen, dee doa jäajenaun sent un nich bäta weeten.