Popular Bible Verses from Joel 2

Share

Nag-ingon ang GINOO, “Apan bisan karon, paghinulsol kamo sa kinasingkasing ug balik kanako nga magpuasa, maghilak ug magbangotan.

“Unya ibubo ko ang akong espiritu sa tanang katawhan; ang inyong mga anak nga lalaki ug babaye magsangyaw sa akong mensahe; ang mga tigulang ninyo magdamgo, ug ang batan-on ninyong mga lalaki makakitag mga panan-awon.

Gisia ang inyong kasingkasing inay ang inyong bisti.” Balik sa GINOO nga inyong Dios kay maluluy-on siya kaayo, mapailubon ug matinumanon sa saad; andam siya sa pagpasaylo ug sa dili pagsilot.

Apan maluwas ang tanan nga mosangpit sa GINOO. Sumala sa giingon sa GINOO, may makaikyas didto sa Bukid sa Sion ug sa ubang bahin sa Jerusalem. Uban niadtong nahibiling buhi mao kadtong tinawag sa GINOO.”

Mongitngit ang adlaw, ug mopula ang bulan daw dugo sa hapit na mahitabo ang kahibulongan ug makalilisang nga adlaw sa GINOO.