Popular Bible Verses from Jeremias 14

Share

Walay diosdios sa mga nasod nga makapaulan, ug ang langit sa iyang kaugalingon lamang dili makahatag ug taligsik. Ikaw ang among gilaoman, O GINOO nga among Dios, kay ikaw lamang ang makahimo niining mga butanga.

Misangpit kanako ang akong katawhan, ‘Bisan gisudyaan kami sa among mga sala, tabangi intawon kami, O GINOO, sumala sa imong gisaad. Mitalikod kami kanimo sa makadaghan; nakasala kami kanimo.

Gisugid namo ang among sala kanimo, O GINOO, ingon man ang mga sala sa among katigulangan; nakasala kami batok kanimo. Ayaw hikalimti ang imong mga saad ug ayaw intawon kami isalikway. Ayaw pakaulawi ang Jerusalem, ang dapit diin anaa ang halangdon mong trono; tumana ang kasabotan nga gihimo mo uban kanamo; ayaw kini kawanga.