Popular Bible Verses from Nm 20

Share

Atzunte Qman Dyos tzaj tma'n kye Moyses ex Aaron: —Mixna'ti' sokqe kyk'u'je' wi'je' ex min ẍinjaw kynima'ne' kywitzju' aj Israel, lay che okxe' kyuk'i'lju' xjal lu toju' tx'otx' xinq'o'ne' kyeye', chij.

—Iq'ima ttzeya, ex che kb'uyintzju'ye' xjal tuk'i'lju' ttzika Aaron. Q'manxtzuntza teju' pik kywitzku' kykyaqil tu'n ttzaj tq'o'n a' kyeye', ex ktka'yi'ya k'eletz a' toju' pik tu'n kyk'wane' exqe'ju' kyalu'ne', chi Dyos.

Tetzunj tb'aj tma'n Moyses ja'lu, xitnuqpi'n tq'ob' ex oktjuma'n kamaju' pik tu'n ttze, ex etz qojli nim a' toj, ikytzu'n e'k'wan xjal ex e'k'wanju' kyalu'n.

e'tzajtzun kyb'u'yi'n Moyses tuk'i'l Aaron ju' xjal twitz pik, ex xitma'n Moyses kye ikjalu: —Kyb'intze', e'pi's: ¿ma oktzun k-eletz a' qu'ne' toju' pik lu tu'nt-xi qq'o'ne' kyk'wa'ye'?, chij.