Popular Bible Verses from Mt 26

Share

Lalun che ik'wtane' ex che na'nqe' Dyose' tu'ntzun lalun che okye' toj joyb'ilkyi'je'. Tajb'ilte' kyanmiye' tu'n kyxq'uqine', atzu'n kyxmilale' min ntipa'n, chi Jesus kye.

Xi'tzun tma'n Jesus kye: —Nimxi'x b'is ati toj wanmiye' nakuj ch'inxtl nkyime' tu'n. Che' tenkje' tzalu ex che xq'uqine' wuk'i'le', chi Jesus kye.

Xi'tzun lq'e ch'intl Jesus kwitzxi', kub'joqe ex majx kuponju' tplaj twitz tx'otx' ex aq'witzuntz na'l Dyos kjalu: Nman Dyos, naqwit ati tu'me'l tu'n lalun chin nokye' toj tkyaqilju' yajb'il lu majx k'a; extzun lalun b'inchetju' wajb'ile' naq o'kx tu'n tb'ent aju' tajb'ila, chi Jesus toj tna'j Dyos.

qu'n ate' nchk'eljuye' lu, tu'n tajb'en te q'uqb'ab'l tk'u'jlajilju' yol kyejni b'entti'j tu'n Dyos kyuk'i'le', ex tu'n tajb'en te najsb'il kyilju' txqan xjal aj il.

Tetzunj intoq che wan, jaw ttzyu'n Jesusju' wab'j, ex tej txi' tq'o'n chjonte te Dyos kub'tzun taq'puntz ex xitq'o'n kyeju' t-xnaq'tzb'en, tmatzuntz kjalu: —Ktzyunxe' ex kwanxe'; qu'n ate nxmilalju'ye' lu.

Ex ikx jaw ttzyu'n jun k'wab'l toj tq'ob', xitq'o'n chjonte te Dyos, xitq'o'ntzuntz kye ex tma kjalu: —Kk'wanxjuye' lu te kkyaqile'

Tetzunj tb'aj na'n Dyos ul kk'etzju' t-xnaq'tzb'en, aye'tzunkye' t-xnaq'tzb'en matxitoq che b'jik'wtan. Xitma'ntzuntz te Luch kjalu: —¿Se'n taq'wi minti' xkyipaye' tu'n kxq'uqin jun tal kmuje' wuk'i'le'?

Extzun kxe'l nma'n kyeye' qa layx chin k'wan jumajtle' kyuk'i'le' ti'ju' tal ub'a, tzmaxi'j aj qwan jumajtel kyuk'i'le' ti'ju' ak'a'j b'in toj tkawb'il Qman Dyos. Chi Jesus xitma'n kye.

ex atzuntzu' tzaja' tna'n Luch yol xi'ni tma'n Jesus te: Ma'toq chin kub'tewa'n oxe' maja ajtjaw oq'u' tmanek', chij. Tetzunj ttzaj tna'n Luch, etztzuntz ti'jxi' ja ex majxkub' oq' b'a'nxi'x qu'n majx ex ch'yo'n toj tanmi.

Qu'mtzun che we'ktze' ex qo'qe'ye'; qu'n luju' xjaw miltz'uj wi'je' tzul, chij.

Atzunte Jesus xitma'n te: —K'u'nkuxa tk'uẍtx'e'nb'ila toj tk'b'el. Qu'n kkyaqilju' nche b'ujun tuk'i'l k'uẍtx'e'nb'il, tu'nx k'uẍtx'e'nb'il nche kyima'.