Popular Bible Verses from Jo Ibru 10

Share

kun pe waweko cokke kacel, kit macalo jo mogo doŋ guloko odoko kitgi-ni, ento myero wacuku cwinywa kekenwa, makatone kit macalo wuneno Nino maca doŋ tye ka nyiko cok-ki.

Dok bene myero watamu kit macalo watwero tugo kwede cwinywa kekenwa i mar ki i tiyo tic mabeco

Wamoku matek likiŋ i gen ma watuco, laboŋo tagge atata, pien ŋat ma ocikowa-ni lagen.

Mito wubed kun wuciro, wek omi wuti gin ma Lubaŋa mito, ci doŋ wunoŋo gin ma yam en ociko pire.

myero doŋ wanyiku cok bot Lubaŋa ki cwiny me ada, kun niye bene doŋ odonyo matut i cwinywa, ma doŋ cwinywa leŋ, pien ŋec me gin maraco ma yam watimo doŋ gikwanyo woko, dok bene komwa doŋ gilwoko woko ki pii maleŋ.

Pi meno pe wubwot tekcwiny woko, pien tye ki bakacic madit ma wubilimo.

Pien ka watimo bal akaka ma doŋ noŋo watyeko limo ŋec i kom lok me ada, gitum mo pe dok odoŋ ma gityero pi balwa. Odoŋ kuro ŋolo kop keken kun watye ki lworo madwoŋ, ki mac mager ma bityeko dano ma gipyem ki Lubaŋa.