Popular Bible Verses from Daniel 7

Share

Gitiŋo loc ducu gimiyo i ciŋe, kacel ki ker ducu ki deyone, wek lwak me rok ducu ki rok ducu, ki jo ma loko leb mapatpat-gu ducu, gubed luticce. Locce aye loc ma bedo matwal, locce pe bigik, ki kerre bene pe gitwero turone.

I dyewor aneno ginanyuta macalo magi: cutcut aneno ŋat mo macalo dano, kun lor bino piny ki pol me polo. Ci obino bot ŋat ma yam okwoŋo bedo kwo wa con-ni, gitere bene wa i nyime.

Doŋ ker ki loc ki dit me ker ducu ma tye i te polo gibimiyo woko bot lwak pa jo maleŋ pa ŋat Mamalo Twal. Kergi bibedo ker ma bedo nakanaka, kun loc me lobo ducu bibedo ka worogi dok gibilubo cikgi.’

Ento jo maleŋ pa ŋat Mamalo Twal aye gibicamo ker, dok gibibedo wegi ker nakanaka.’