Popular Bible Verses from Daniel 6

Share

I kare ma doŋ Daniel oŋeyo ni giketo cin i buk me cik, oa ocito i ode odonyo i kicikane ma tye malo ma tye ki waŋ dirica, ci oyabo dirica ma okemo yo tuŋ Jerucalem; ci obedo ka rumo coŋe piny ka lega kun miyo pwoc bot Lubaŋane tyen adek nino ki nino, kit macalo yam con koŋ obedo ka timone-ni.

Lubaŋana ocwalo Lamalaika otweyo dog lwak labwor magi woko, mumiyo pe gumwoda woko, pien ginoŋo ni pe atye ki bal mo i nyime, kadi wa i nyimi bene, ai kabaka, pe atimo gin mo marac kadi ki acel.”

Aketo kombeddi cik ni, i kabedo ducu ma i te locca madit-ti dano ducu myero komgi omyel dok gubed ki lworo i nyim Lubaŋa pa Daniel, pien en aye Lubaŋa makwo, ma bedo nakanaka; kerre bene pe gituro, locce bene pe bigik. Lubaŋane laro dano dok konyogi bene, tiyo lanyut ki tano-gu i polo ki i lobo, en aye ma olaro Daniel ki i teko pa lwak labwor.”

Cutcut kabaka omiyo twero, gicito gikelo Daniel ci gibolo woko i kin lwak labwor. Ci kabaka owaco bot Daniel ni, “Myero Lubaŋani ma iworo jwijwi-ni tin koŋ olari ba!”