Popular Bible Verses from 1 Camuel 17

Share

Daudi bene owaco bot Lapiliciti ni, “In ibino bota ki pala lucwan ki toŋ ki toŋ alwiro, ento an abino boti i nyiŋ Rwot me mony, i nyiŋ Lubaŋa me mony pa jo Icrael ma ibedo ka tarone-ni.

dok wek lwak man guŋe ni, Rwot pe laro dano ki pala lucwan kadi ki toŋ, pien lweny Rwot aye ma loyo gire, ci en bimiyowu i ciŋwa.”

Daudi dok owacci, “Rwot yam olara ki i lwet ciŋ labwor ki ŋuu mukene: bilara bene ki i ciŋ Lapiliciti man.” Caulo owaco bot Daudi ni, “Citi. Rwot aye obed kwedi!”

Tin Rwot bimiyo in i ciŋa, abireti woko piny, ci aŋolo wii woko; dok abimiyo kom lumony pa Lupiliciti ma guto tin bot winyo me polo ki bot ŋuu ma wi lobo, wek lobo ducu oneni, Lubaŋa tye i Icrael

ka okwanyo odoone omako i ciŋe, ci oyero litino gweni abic muluŋŋe mapwot ki i laora kulu, opikogi i opiro kwatte, ma en kicaane; omako latandiyone i ciŋe, ka onyiko cok bot Lapiliciti.

Daudi owaco bot Caulo ni “Pe iwek cwiny dano mo opoti pi Lapiliciti-nu, ladit; an abicito ka lweny kwede.”