Popular Bible Verses from 1 Camuel 16

Share

Ento Rwot owaco bot Camuel ni, “Pe ibed ka neno ber me kome nyo kit borre, pien atyeko kwere woko; pien Rwot pe neno piny kit ma dano neno-ni, Dano neno kome ki woko, ento Rwot neno cwinye.”

Camuel okwanyo tuŋ dyaŋ ma moo tye iye, owiro Daudi ki moo ki i dye omegine. Ci Cwiny pa Rwot obino i kom Daudi ki tek cakke i nino meno. Lacen Camuel oa odok i Rama.

Dok openyo Yece ni, “Awobeni ducu gitye kany?” Ogamo ni, “Matidine aye pud odoŋ; ento en tye ka kwayo romi,” ci Camuel owaco bot Yece ni, “Cwal kwena giome; pien pe wabibedo piny nio ka en oo kany.”