Popular Bible Verses from رُومَا 5

Share

وَلَكِنْ اللَّهْ بَيّْنْ الْمْحَبَّة دْيَالُه لِينَا، حِيتْ مْلِّي كْنَّا مَازَالْ مُدْنِبِينْ، مَاتْ الْمَسِيحْ عْلَى وْدّْنَا.

وْهَادْ الرّْجَا مَا كَيْخَيّْبْشْ، عْلَاحْقَّاشْ الْمْحَبَّة دْ اللَّهْ فَاضْتْ فْقْلُوبْنَا بْالرُّوحْ الْقُدُسْ اللِّي تّْعْطَى لِينَا.

وْمَاشِي غِيرْ هَادْشِّي، وَلَكِنْ كَنْفْتَخْرُو حْتَّى فْوَسْطْ الْمْحَايْنْ، حِيتْ كَنْعَرْفُو بْلِّي الْمْحْنَة كَتْعَلّْمْ الصّْبَرْ، وْالصّْبَرْ كَيْغَلّْبْنَا عْلَى الْمْحْنَة، وْمْلِّي كَنْتْغَلّْبُو عْلِيهَا كَيْوَلِّي عَنْدْنَا الرّْجَا.

وْهَاكْدَا حِيتْ حْسَبْنَا اللَّهْ مْتَّاقْيِينْ بْالْإِيمَانْ، رَاهْ عَنْدْنَا الْهْنَا مْعَ اللَّهْ بْرَبّْنَا يَسُوعْ الْمَسِيحْ. اللِّي بِيهْ وْلَّى عَنْدْنَا الْحَقّْ نْدَخْلُو بْالْإِيمَانْ لْهَادْ النِّعْمَة اللِّي فِيهَا كَنْعِيشُو، وْكَنْفْتَخْرُو بْالرّْجَا اللِّي عَنْدْنَا بَاشْ نْشَارْكُو فْالْعَزّْ دْيَالْ اللَّهْ.

حِيتْ مْلِّي مَا كَانْتْشْ عَنْدْنَا الْقُوَّة، فْهَادَاكْ الْوَقْتْ مَاتْ الْمَسِيحْ عْلَى وْدّْ الْمُدْنِبِينْ.

وْمَا دَامْ اللَّهْ حْسَبْنَا مْتَّاقْيِينْ بْدْمّْ الْمَسِيحْ، هَكَّا بِيهْ غَنّْجَاوْ مْنْ الْغَضَبْ دْيَالْ اللَّهْ.

حِيتْ كِمَا وْلَّاوْ بْزَّافْ دْ النَّاسْ مُدْنِبِينْ بْالْمَعْصِيَّة دْيَالْ رَاجْلْ وَاحْدْ، هَكَّا حْتَّى بْالطَّاعَة دْيَالْ رَاجْلْ وَاحْدْ غَيْوَلِّيوْ بْزَّافْ دْ النَّاسْ مْتَّاقْيِينْ عَنْدْ اللَّهْ.

وْمَاشِي غِيرْ هَادْشِّي، وَلَكِنْ رَاهْ حْنَا كَنْفْتَخْرُو حْتَّى بْاللَّهْ، بْفْضَلْ رَبّْنَا يَسُوعْ الْمَسِيحْ اللِّي بِيهْ تّْصَالْحْنَا دَابَا مْعَ اللَّهْ.