Popular Bible Verses from الرُّؤْيَا 7

Share

وْمْنْ بَعْدْ هَادْشِّي، شْفْتْ وْبَانْتْ لِيَّ وَاحْدْ الجّْمَاعَة كْبِيرَة دْ النَّاسْ، حْتَّى وَاحْدْ مَا قْدَرْ يْحْسَبْهُمْ، مْنْ كُلّْ أُمَّة وْمْنْ كُلّْ قْبِيلَة وْمْنْ كُلّْ شَعْبْ وْمْنْ كُلّْ لُغَة، وَاقْفِينْ قُدَّامْ الْعَرْشْ وْقُدَّامْ الْخْرُوفْ، وْلَابْسِينْ حْوَايْجْ بِيضِينْ وْهَازِّينْ فْيْدِّيهُمْ الجّْرِيدْ دْ النّْخَلْ.

وْكَيْغَوّْتُو بْصُوتْ عَالِي وْكَيْݣُولُو: «النّْجَا مْنْ عَنْدْ الْإِلَاهْ دْيَالْنَا اللِّي ݣَالْسْ عْلَى الْعَرْشْ وْمْنْ عَنْدْ الْخْرُوفْ».

حِيتْ الْخْرُوفْ اللِّي فْوَسْطْ الْعَرْشْ غَيْرْعَاهُمْ، وْغَيْدِّيهُمْ لْلْعْيُونْ دْ الْمَا الْحَيّْ، وْاللَّهْ غَيْمْسَحْ كُلّْ دَمْعَة مْنْ عِينِيهُمْ».

دَاكْشِّي عْلَاشْ هُمَ قُدَّامْ الْعَرْشْ دْ اللَّهْ، وْكَيْخَدْمُو لِيهْ لِيلْ وْنْهَارْ فْالْبِيتْ دْيَالُه، وْهَادَاكْ اللِّي ݣَالْسْ عْلَى الْعَرْشْ غَيْسْتَرْهُمْ بْالْخِيمَة دْيَالُه. وْعَمّْرْهُمْ مَا غَيْجُوعُو وَلَا يْعَطْشُو، وْمَا غَتْحْرَقْهُمْ لَا شْمْسْ وَلَا صَهْدْ،

وْݣَالْ لِيهُمْ: «مَا تْآدِيوْشْ الْبْرّْ وَلَا الْبْحَرْ وَلَا الشّْجَرْ، حْتَّى نْرَشْمُو الْعْبِيدْ دْيَالْ إِلَاهْنَا عْلَى جْبَهْتْهُمْ». وْسْمَعْتْ بْلِّي الْمْرْشُومِينْ هُمَ مْيَة وْرْبْعَة وْرْبْعِينْ أَلْفْ مْنْ ݣَاعْ قْبَايْلْ شَعْبْ إِسْرَائِيلْ