Popular Bible Verses from الرُّؤْيَا 6

Share

وْشْفْتْ، وْهُوَ يْبَانْ لِيَّ وَاحْدْ الْعَوْدْ لُونُه خْضَرْ مْفْتُوحْ، وْهَادَاكْ اللِّي رَاكْبْ عْلِيهْ سْمِيتُه الْمُوتْ، وْتَابْعَاهْ الْهَاوِيَة، وْتّْعْطَاتْهُمْ السُّلْطَة عْلَى الرّْبَعْ دْيَالْ سُكَّانْ الْأَرْضْ بَاشْ يْقْتْلُوهُمْ بْالسِّيفْ، وْبْالجُّوعْ، وْبْالطَّاعُونْ، وْبْوْحُوشْ الْغَابَة.

وْشْفْتْ، وْهُوَ يْبَانْ لِيَّ وَاحْدْ الْعَوْدْ بْيَضْ وْاللِّي رَاكْبْ عْلِيهْ هَازّْ قُوسْ، وْتّْعْطَى لِيهْ وَاحْدْ التَّاجْ وْخْرَجْ غَالْبْ وْبَاشْ يْعَاوْدْ يْغْلَبْ.

وْمْلِّي فَكّْ الْخْرُوفْ الْعْقْدَة الْخَامْسَة، شْفْتْ تَحْتْ الْمَدْبَحْ أَرْوَاحْ هَادُوكْ اللِّي تّْدَبْحُو عْلَى قْبَلْ كْلْمَةْ اللَّهْ وْالشّْهَادَة اللِّي عْطَاوْهَا،

وْغَوّْتُو عْلَى حَرّْ جَهْدْهُمْ وْݣَالُو: «آ سِيدِي الْمْقَدّْسْ وْالْحَقّْ، حْتَّى لْإِيمْتَى مَا غَادِيشْ تْحْكَمْ وْتْنْتَقْمْ لْلدّْمْ دْيَالْنَا مْنْ السُّكَّانْ دْ الْأَرْضْ؟». وْتّْعْطَى لْكُلّْ وَاحْدْ فِيهُمْ لْبَاسْ بْيَضْ، وْتّْݣَالْ لِيهُمْ يْصَبْرُو شْوِيَّة حْتَّى يْتّْقْتْلُو بْحَالْهُمْ ݣَاعْ الْعْبِيدْ دْيَالْ الْمَسِيحْ وْخُوتْهُمْ الْمُومْنِينْ.

وْخْرَجْ وَاحْدْ الْعَوْدْ آخُرْ لُونُه حْمَرْ بْحَالْ اللُّونْ دْ الْعَافْيَة، وْهَادَاكْ اللِّي رَاكْبْ عْلِيهْ تّْعْطَاتُه الْقُدْرَة بَاشْ يْحَيّْدْ الْهْنَا مْنْ الْأَرْضْ، وْبَاشْ يْخَلِّي النَّاسْ يْتّْقَاتْلُو مْعَ بْعْضِيَّاتْهُمْ، وْتّْعْطَى لِيهْ وَاحْدْ السِّيفْ كْبِيرْ.

عْلَاحْقَّاشْ جَا النّْهَارْ الْعْظِيمْ دْيَالْ الْغَضَبْ دْيَالُه، وْشْكُونْ اللِّي يْقْدَرْ يْتّْحَمّْلْ؟».

وْمْنْ بَعْدْ، شْفْتْ الْخْرُوفْ فَكّْ الْعْقْدَة السَّادْسَة، وْهُوَ يْضْرَبْ وَاحْدْ الزّْلْزَالْ قْوِي، وْكْحَالْتْ الشّْمْسْ بْحَالْ الْفَاخْرْ، وْوْلَّى الْقَمَرْ كُلُّه حْمَرْ بْحَالْ الدّْمْ، وْطَاحُو نْجُومْ السّْمَا عْلَى الْأَرْضْ كِيفْ كَيْطِيحْ الْكَرْمُوسْ الْخْضَرْ مْنْ الْكَرْمَة، مْلِّي كَتْضْرَبْهَا شِي رِيحْ قْوِيَّة.

وْمْلِّي فَكّْ الْخْرُوفْ الْعْقْدَة التَّالْتَة، سْمَعْتْ الْمْخْلُوقْ التَّالْتْ كَيْݣُولْ: «أَجِي!». وْشْفْتْ وْهُوَ يْبَانْ لِيَّ وَاحْدْ الْعَوْدْ كْحَلْ وْهَادَاكْ اللِّي رَاكْبْ عْلِيهْ هَازّْ مِيزَانْ فْيْدُّه. وْسْمَعْتْ بْحَالْ شِي صُوتْ فْوَسْطْ الرّْبْعَة دْ الْمْخْلُوقَاتْ كَيْݣُولْ: «كِيلُو دْ الْݣْمْحْ بْدِينَارْ، وْتْلَاتَة كِيلُو دْ الشّْعِيرْ بْدِينَارْ. وَلَكِنْ الزِّيتْ وْالْخْمَرْ مَا تْضَيّْعْهُومْشْ».

وْتّْجَمْعَاتْ السّْمَا بْحَالْ شِي وَرْقَة مْطْوِيَّة، وْݣَاعْ الجّْبَالْ وْالْجَزِيرَاتْ تّْزَعْزْعُو مْنْ بْلَايْصْهُمْ. وْالْمُلُوكْ دْيَالْ الْأَرْضْ، وْالْمْسْؤُولِينْ الْكْبَارْ، وْالرُّؤَسَا دْ الْعَسْكَرْ، وْالْأَغْنِيَا، وْالنَّاسْ الْقْوِيِّينْ، وْكُلّْ عَبْدْ وْحُرّْ، تْخَبَّاوْ فْالْغِيرَانْ وْبِينْ الصّْخُورْ دْ الجّْبَالْ،