Popular Bible Verses from الرُّؤْيَا 3

Share

هَانِي وَاقْفْ عَنْدْ الْبَابْ وْكَنْدَقّْ، إِلَا شِي وَاحْدْ سْمَعْ صُوتِي وْحَلّْ الْبَابْ، غَنْدْخُلْ لْعَنْدُه وْغَنْتّْعَشَّى مْعَاهْ وْهُوَ مْعَايَ.

كَنْعْرَفْ كُلّْ مَا كَتْدِيرْ، بْلِّي رَاكْ مَا بَارْدْ مَا سْخُونْ. كُونْ غِيرْ كْنْتِ بَارْدْ وْلَا سْخُونْ! وْعْلَاحْقَّاشْ نْتَ دَافِي، وْمَا بَارْدْ مَا سْخُونْ، رَانِي غَنْتْقِيَّاكْ مْنْ فُمِّي،

ݣَاعْ اللِّي كَنْبْغِيهْ، كَنْخَاصْمْ عْلِيهْ وْكَنْرَبِّيهْ. إِيوَا دِيرْ جَهْدْكْ وْتُوبْ.

كَنْعْرَفْ كُلّْ مَا كَتْدِيرْ، هَانِي حْلِّيتْ قُدَّامْكْ بَابْ حْتَّى وَاحْدْ مَا يْقْدَرْ يْسَدُّه، عْلَاحْقَّاشْ وَاخَّا الْقُوَّة دْيَالْكْ قْلِيلَة، رَاكْ دْرْتِي بْكْلَامِي وْمَا نْكَرْتِيشْ الْإِسْمْ دْيَالِي.

رَاهْ اللِّي غْلَبْ غَنْعْطِيهْ الْحَقّْ بَاشْ يْݣْلَسْ مْعَايَ عْلَى الْعَرْشْ دْيَالِي، كِيفْمَا غْلَبْتْ حْتَّى أَنَا وْݣْلَسْتْ مْعَ بَّا عْلَى الْعَرْشْ دْيَالُه.

حِيتْ كَتْݣُولْ: أَنَا لَبَاسْ عْلِيَّ وْزْدْتْ خِيرْ عْلَى خِيرْ، وْمَا بْقَى خَاصّْنِي وَالُو، وَلَكِنْ مَا كَتْعْرَفْشْ بْلِّي رَاكْ مْتْعُوسْ، وْمْحْݣُورْ، وْفَقِيرْ، وْعْمَى، وْعْرْيَانْ.

وْعْلَاحْقَّاشْ دْرْتِي بْكْلَامِي وْصْبَرْتِي، حْتَّى أَنَا غَنْحْمِيكْ فْسَاعْةْ الْمْحْنَة اللِّي غَتْدُوزْ فِيهَا الدّْنْيَا كُلّْهَا بَاشْ يْتّْجَرّْبُو بِيهَا ݣَاعْ سُكَّانْ الْأَرْضْ.

هَانِي جَايْ دْغْيَا. إِيوَا تْبَتْ مْزْيَانْ فْدَاكْشِّي اللِّي عَنْدْكْ بَاشْ حْتَّى وَاحْدْ مَا يْخْطَفْ لِيكْ التَّاجْ دْيَالْكْ.

سْهَرْ وْتّْقُوَّى مْنْ جْدِيدْ فْدَاكْشِّي اللِّي بْقَى لِيكْ قْبَلْ مَا يْمُوتْ، حِيتْ دَاكْشِّي اللِّي كَتْدِيرْ مَا لْقِيتُوشْ كَامْلْ قُدَّامْ اللَّهْ.