Popular Bible Verses from الرُّؤْيَا 20

Share

وْݣَاعْ اللِّي مَا كَانْتْشْ سْمِيتُه مْكْتُوبَة فْكْتَابْ الْحَيَاةْ تّْرْمَى فْالْبُحَيْرَة دْ الْعَافْيَة.

وْشْفْتْ الْمُوتَى كْبَارْ وْصْغَارْ، وَاقْفِينْ قُدَّامْ الْعَرْشْ. وْتّْحَلُّو الْكْتُبْ، وْتّْحَلّْ كْتَابْ آخُرْ اللِّي هُوَ كْتَابْ الْحَيَاةْ. وْتّْحَاكْمُو الْمُوتَى عْلَى حْسَابْ أَعْمَالْهُمْ، كِمَا كَانْ مْكْتُوبْ فْالْكْتُبْ.

وْالْبْحَرْ لَاحْ الْمُوتَى اللِّي فِيهْ، وْالْمُوتْ وْالْهَاوِيَة لَاحُو الْمُوتَى اللِّي فِيهُمْ، وْكُلّْ وَاحْدْ تّْحَاكْمْ عْلَى حْسَابْ أَعْمَالُه. وْتّْرْمَاتْ الْمُوتْ وْالْهَاوِيَة فْالْبُحَيْرَة دْ الْعَافْيَة. هَادْ الْبُحَيْرَة هِيَ الْمُوتْ التَّانْيَة.

وْمْنْ بَعْدْ، شْفْتْ وَاحْدْ الْعَرْشْ كْبِيرْ بْيَضْ، وْشْفْتْ اللِّي ݣَالْسْ عْلِيهْ. وْمْنْ قُدَّامْ وْجْهُه غْبْرَاتْ الْأَرْضْ وْالسّْمَا، وْمَا بْقَاشْ لِيهُمْ لَاتَرْ.

وْمْلِّي غَتْكْمَلْ الْأَلْفْ عَامْ، غَيْتّْطْلَقْ الشِّيطَانْ مْنْ الْحَبْسْ دْيَالُه، وْغَيْخْرُجْ بَاشْ يْخْدَعْ الشّْعُوبْ اللِّي فْالرّْبْعَة دْ الجّْوَايْهْ دْ الْأَرْضْ، هَادْ الشّْعُوبْ هُمَ جُوجْ وْمَاجُوجْ، وْغَيْجْمَعْهُمْ بَاشْ يْتّْحَارْبُو، وْالْعَدَدْ دْيَالْهُمْ بْحَالْ الرّْمْلَة دْ الْبْحَرْ.