Popular Bible Verses from رِسَالَةْ فِيلِبِّي 4

Share

مَا تْرَفْدُو الْهَمّْ لْحْتَّى حَاجَة، وَلَكِنْ طْلْبُو كُلّْشِي مْنْ اللَّهْ بْالصّْلَاة وْالدَّعَوَاتْ وْالشُّكْرْ، وْخَلِّيوْ دَاكْشِّي اللِّي كَتْطْلْبُوهْ مْعْرُوفْ عَنْدْ اللَّهْ.

وْالْهْنَا دْيَالْ اللَّهْ اللِّي قْوَى مْنْ كُلّْ حَاجَة، يْحْفَضْ قْلُوبْكُمْ وْأَفْكَارْكُمْ فْالْمَسِيحْ يَسُوعْ.

وْفْاللّْخْرْ آ الْخُوتْ، دِّيوْهَا فْهَادْ الْأُمُورْ: ݣَاعْ دَاكْشِّي اللِّي صْحِيحْ، ݣَاعْ دَاكْشِّي اللِّي كَيْسْتَاهْلْ يْتّْحْتَرْمْ، ݣَاعْ دَاكْشِّي اللِّي حَقّْ، ݣَاعْ دَاكْشِّي اللِّي نْقِي، ݣَاعْ دَاكْشِّي اللِّي نْقَدْرُو نْبْغِيوْهْ، ݣَاعْ دَاكْشِّي اللِّي السُّمْعَة دْيَالُه مْزْيَانَة، وْݣَاعْ دَاكْشِّي اللِّي مْزْيَانْ وْكَيْسْتَاهْلْ يْشَكْرُوهْ النَّاسْ.

وْأَنَا قَادْرْ نْدِيرْ كُلّْشِي بْهَادَاكْ اللِّي كَيْعْطِينِي الْقُوَّة.

فْرْحُو دِيمَا فْالرَّبّْ، وْعَاوْتَانِي كَنْݣُولْ لِيكُمْ فْرْحُو.

وْالْإِلَاهْ دْيَالِي غَيْعْطِيكُمْ كُلّْ مَا كَتْحْتَاجُو عْلَى حْسَابْ الْعَزّْ دْيَالُه الْكْتِيرْ بْالْمَسِيحْ يَسُوعْ.

وْدِيرُو بْدَاكْشِّي اللِّي تْعَلّْمْتُوهْ وْخْدِيتُوهْ وْسْمَعْتُوهْ وْشْفْتُوهْ فِيَّ. وْاللَّهْ اللِّي كَيْعْطِي الْهْنَا يْكُونْ مْعَاكُمْ.

خَلِّيوْ الضّْرَافَة اللِّي فِيكُمْ تّْعْرَفْ عَنْدْ النَّاسْ كُلّْهُمْ. رَاهْ الرَّبّْ قْرِيبْ.

تْعَلّْمْتْ نْعِيشْ فْوَقْتْ الْحْزَّة وْفْوَقْتْ الشّْبْعَة. تْعَلّْمْتْ نْعِيشْ كِمَا كَانْ الْحَالْ، سْوَا كْنْتْ شْبْعَانْ وْلَا جِيعَانْ، سْوَا كَانْ عَنْدِي الْكْتِيرْ وْلَا الْقْلِيلْ.

مَا كَنْݣُولْشْ هَادْشِّي حِيتْ أَنَا مْحْتَاجْ، عْلَاحْقَّاشْ تْعَلّْمْتْ نْقْنَعْ بْدَاكْشِّي اللِّي عَنْدِي.