Popular Bible Verses from رِسَالَةْ غَلَاطِيَّة 6

Share

وْهَكَّا خَاصّْنَا نْدِيرُو الْخِيرْ بْلَا مَا نْفَشْلُو، حِيتْ إِلَا بْقِينَا كَنْدِيرُوهْ بْلَا مَا نْعْيَاوْ غَنْحَصْدُو فْالْوَقْتْ دْيَالُه.

وْمَا حَدّْ عَنْدْنَا الْوْجْبَة خَاصّْنَا نْدِيرُو الْخِيرْ مْعَ النَّاسْ كَامْلِينْ وْبْالْخُصُوصْ مْعَ الْخُوتْ الْمُومْنِينْ.

هْزُّو الْحْمَلْ عْلَى بْعْضِيَّاتْكُمْ، وْهَكَّا غَتْكَمّْلُو الشّْرَعْ دْيَالْ الْمَسِيحْ.

مَا تْخَدْعُوشْ رَاسْكُمْ حِيتْ اللَّهْ مَا كَتْخْفَى عْلِيهْ حْتَّى حَاجَة. وْرَاهْ دَاكْشِّي اللِّي كَيْزْرْعُه بْنَادْمْ كَيْحَصْدُه،

حِيتْ اللِّي كَيْزْرَعْ دَاكْشِّي اللِّي كَتْبْغِيهْ الدَّاتْ دْيَالُه، غَيْحْصَدْ دَاكْشِّي اللِّي كَتْبْغِيهْ هَادْ الدَّاتْ، اللِّي هُوَ الْهْلَاكْ. وْاللِّي كَيْزْرَعْ دَاكْشِّي اللِّي كَيْبْغِيهْ الرُّوحْ الْقُدُسْ، غَيْحْصَدْ دَاكْشِّي اللِّي كَيْبْغِيهْ هَادْ الرُّوحْ، اللِّي هُوَ الْحَيَاةْ الدَّايْمَة.

آ الْخُوتْ، إِلَا دَارْ شِي وَاحْدْ شِي دَنْبْ، رَاهْ وَاجْبْ عْلِيكُمْ نْتُمَ اللِّي كَتْعِيشُو بْحَسَبْ الرُّوحْ الْقُدُسْ تْرَدُّوهْ لْلطّْرِيقْ بْرُوحْ الضّْرَافَة. وْكُلّْ وَاحْدْ مْنّْكُمْ خَاصُّه يْرَدّْ الْبَالْ بَاشْ مَا يْطِيحْشْ حْتَّى هُوَ فْالتَّجْرِبَة.

إِلَا كَانْ شِي وَاحْدْ كَيْحَسّْ بْرَاسُه مُهِمّْ وْهُوَ وَالُو، رَاهْ كَيْخْدَعْ رَاسُه. وَلَكِنْ وَاجْبْ عْلَى كُلّْ وَاحْدْ يْشُوفْ دَاكْشِّي اللِّي كَيْدِيرْ، وْدِيكْ السَّاعَة يْقْدَرْ يْفْتَخْرْ بْرَاسُه، بْلَا مَا يْقَارْنُه مْعَ لْخْرِينْ، حِيتْ كُلّْ وَاحْدْ غَيْهَزّْ الْحْمَلْ دْيَالُه.