Popular Bible Verses from رِسَالَةْ غَلَاطِيَّة 5

Share

وَلَكِنْ الْغْلَّة دْيَالْ الرُّوحْ الْقُدُسْ هِيَ: الْمْحَبَّة، الْفَرْحَة، الْهْنَا، الصّْبَرْ، اللّْطَافَة، أَعْمَالْ الْخِيرْ، الْإِيمَانْ، الضّْرَافَة، الرّْزَانَة. وْحْتَّى شْرَعْ مَا كَيْضَادّْ هَادْ الْأُمُورْ.

وْعْلِيهَا كَنْݣُولْ لِيكُمْ: عِيشُو بْحَسَبْ الرُّوحْ الْقُدُسْ، وْهَكَّا مَا غَادِيشْ تّْبْعُو الشَّهَوَاتْ دْيَالْ الدَّاتْ.

وْإِلَا كْنَّا كَنْعِيشُو بْحَسَبْ الرُّوحْ الْقُدُسْ، خَاصّْنَا نْطِيعُو هَادْ الرُّوحْ،

وْهَادُوكْ اللِّي هُمَ دْيَالْ الْمَسِيحْ يَسُوعْ رَاهُمْ صْلْبُو الدَّاتْ دْيَالْهُمْ مْعَ الرّْغْبَة وْالشَّهْوَة.

وْأَعْمَالْ الدَّاتْ رَاهَا بَايْنَة: هِيَ الْفْسَادْ، الْأُمُورْ الْمْنْجُوسَة، الزِّنَا، الْعِبَادَة دْ الْأَصْنَامْ، السّْحُورْ، الْخْصَامْ، الْعْدَاوَة، الْغِيرَة، السَّخْطْ، الْأَنَانِيَة، التَّفْرِقَة، التَّعَصُّبْ، الْحْسَدْ، السّْكْرَة، التّْعَرْبِيطَة، وْݣَاعْ الْحْوَايْجْ اللِّي بْحَالْ هَادْشِّي، وْرَانِي كَنْعْلَمْكُمْ كِيفْ عْلَمْتْكُمْ مْنْ قْبَلْ وْكَنْݣُولْ لِيكُمْ: اللِّي كَيْدِيرُو هَادْ الْأُمُورْ رَاهُمْ مَا غَيْوَرْتُوشْ مَمْلَكَةْ اللَّهْ.

آ الْخُوتْ رَاهْ اللَّهْ عَيّْطْ عْلِيكُمْ بَاشْ تْكُونُو مْتْحَرّْرِينْ، إِيوَا مَا تْسْتَغْلُّوشْ الْحُرِّيَّة غِيرْ بَاشْ تْرْضِيوْ الدَّاتْ، وَلَكِنْ خَدْمُو بْعْضِيَّاتْكُمْ بْالْمْحَبَّة.

حِيتْ الدَّاتْ كَتّْشْهَّى ضْدّْ الرُّوحْ الْقُدُسْ وْالرُّوحْ الْقُدُسْ كَيْتّْشْهَّى ضْدّْ الدَّاتْ، وْاللِّي تّْشْهَّاهْ الرُّوحْ الْقُدُسْ مَا كَتّْشْهَّاهْشْ الدَّاتْ، وْكُلّْ وَاحْدْ فِيهُمْ كَيْضَادّْ لَاخُرْ، وْهَكَّا مَا تْقَدْرُوشْ تْدِيرُو اللِّي بْغِيتُو.

حِيتْ الشّْرَعْ كُلُّه مْجْمُوعْ فْوْصِيَّة وَحْدَة: «خَاصّْكْ تْبْغِي اللِّي قْرِيبْ لِيكْ كِيفْ كَتْبْغِي رَاسْكْ».

وْمَا خَاصّْنَاشْ نْكُونُو مْتْكَبّْرِينْ وْلَا نْكَرْهُو بْعْضِيَّاتْنَا، وْلَا نْحَسْدُو بْعْضِيَّاتْنَا.

رَاهْ الْمَسِيحْ حَرّْرْنَا بَاشْ نْكُونُو فْالْحَقِيقَة مْحَرّْرِينْ، إِيوَا تْبْتُو فْالْحُرِّيَّة دْيَالْكُمْ وْمَا تْرْجْعُوشْ عَاوْتَانِي تْعِيشُو تَحْتْ التّْقُلْ دْ الْعُبُودِيَّة.