Popular Bible Verses from كُورِنْتُوسْ التَّانِيَّة 5

Share

إِيوَا إِلَا كَانْ شِي وَاحْدْ فْالْمَسِيحْ، رَاهْ هُوَ مْخْلُوقْ جْدِيدْ. ݣَاعْ الْأُمُورْ الْقْدِيمَة مَا بْقَاتْشْ، وْوْلَّى كُلّْشِي جْدِيدْ.

حِيتْ هَادَاكْ اللِّي عَمّْرُه مَا دَارْ شِي دَنْبْ، خْلَّاهْ اللَّهْ يْهَزّْ الدّْنُوبْ عْلَى وْدّْنَا، بَاشْ بِيهْ نْكُونُو مْقْبُولِينْ عَنْدْ اللَّهْ.

حِيتْ بْالْإِيمَانْ كَنْعِيشُو مَاشِي بْدَاكْشِّي اللِّي كَنْشُوفُو.

وْهَادْشِّي كُلُّه مْنْ اللَّهْ اللِّي صَالْحْنَا مْعَاهْ بْالْمَسِيحْ، وْعْطَانَا الْمْسْؤُولِيَّة بَاشْ نْصَالْحُو لْخْرِينْ مْعَاهْ. هَادَا كَيْعْنِي بْلِّي اللَّهْ تّْصَالْحْ مْعَ النَّاسْ بْالْمَسِيحْ، وْمَا حَاسْبْهُمْشْ عْلَى دْنُوبْهُمْ، وْعْطَانَا الْمْسْؤُولِيَّة بَاشْ نْخَبّْرُو بْالْكْلَامْ اللِّي بِيهْ غَنْصَالْحُو النَّاسْ مْعَاهْ.

عْلَى هَادْ الْحْسَابْ حْنَا سُفَرَا دْيَالْ الْمَسِيحْ، بْحَالْ إِلَا اللَّهْ كَيْتّْكَلّْمْ بِينَا. كَنْطْلْبُو مْنّْكُمْ بْإِسْمْ الْمَسِيحْ بَاشْ تْتْصَالْحُو مْعَ اللَّهْ.

وْهُوَ مَاتْ عْلَى وْدّْ ݣَاعْ النَّاسْ، بَاشْ مَا يْعِيشُوشْ مْنْ بَعْدْ لْرَاسْهُمْ، وَلَكِنْ لْهَادَاكْ اللِّي مَاتْ وْتّْبْعَتْ مْنْ الْمُوتْ عْلَى وْدّْهُمْ. إِيوَا مْنْ دَابَا، رَاهْ حْنَا مَا كَنْعَرْفُو حْتَّى وَاحْدْ عْلَى حْسَابْ الدَّاتْ، وْإِلَا عْرَفْنَا الْمَسِيحْ عْلَى حْسَابْ الدَّاتْ، الْمَعْرِفَة دْيَالْنَا لِيهْ دَابَا مَا بْقَاتْشْ هَكَّاكْ.

حِيتْ الْمْحَبَّة دْ الْمَسِيحْ كَتْسِيطْرْ عْلِينَا، وْرَاهْ حْنَا عَارْفِينْ بْلِّي إِلَا كَانْ وَاحْدْ مَاتْ عْلَى وْدّْ النَّاسْ كُلّْهُمْ، رَاهْ النَّاسْ كُلّْهُمْ مَاتُو.