Popular Bible Verses from كُورِنْتُوسْ التَّانِيَّة 4

Share

وْحْنَا مَا كَنْشُوفُوشْ فْالْأُمُورْ اللِّي كَتّْشَافْ، وَلَكِنْ فْالْأُمُورْ اللِّي مَا كَتّْشَافْشْ. حِيتْ اللِّي كَتّْشَافْ مَا دَايْمَاشْ، أَمَّا اللِّي مَا كَتّْشَافْشْ رَاهَا دَايْمَة.

هَادْشِّي عْلَاشْ مَا كَنْفَشْلُوشْ، حِيتْ وَاخَّا دَاتْنَا غَادْيَة وْكَتْفْنَى، رُوحْنَا رَاهَا كَتّْجَدّْدْ نْهَارْ عْلَى نْهَارْ. حِيتْ الْمْحْنَة اللِّي كَنْدُوزُو فِيهَا خْفِيفَة، وْرَاهَا كَتْوَجّْدْ لِينَا وَاحْدْ الْعَزّْ دَايْمْ وْمَا عَنْدُه حَدّْ.

الْمْحَايْنْ كَيْجِيوْنَا مْنْ كُلّْ جِهَة، وَلَكِنْ مَا كَنْتّْقَهْرُوشْ. كَنْحِيرُو، وَلَكِنْ مَا كَنْقَنْطُوشْ. كَيْتّْعَدَّاوْ عْلِينَا، وَلَكِنْ اللَّهْ مَا كَيْنْسَانَاشْ. كَيْطِيّْحُونَا لْلْأَرْضْ وَلَكِنْ مَا كَنْفْنَاوْشْ.

وَلَكِنْ رَاهْ عَنْدْنَا هَادْ الْكَنْزْ فْمَاعُونْ دْ الْفْخَّارْ، بَاشْ يْبَانْ بْلِّي الْقُوَّة الْكْبِيرَة هِيَ مْنْ اللَّهْ مَاشِي مْنَّا.

هَادُوكْ اللِّي مَا كَيْآمْنُوشْ حِيتْ إِبْلِيسْ إِلَاهْ هَادْ الدّْنْيَا عْمَى عْقُولْهُمْ، بَاشْ مَا يْضَوِّيشْ لِيهُمْ النُّورْ دْيَالْ الْإِنْجِيلْ اللِّي كَيْبَيّْنْ الْعَزّْ دْيَالْ الْمَسِيحْ، اللِّي هُوَ الصُّورَة دْيَالْ اللَّهْ.

عْلَاحْقَّاشْ اللَّهْ اللِّي ݣَالْ: «النُّورْ يْضَوِّي مْنْ الضّْلَامْ»، هُوَ اللِّي نَوّْرْ فْقْلُوبْنَا بَاشْ نْعَرْفُو الْعَزّْ دْيَالْ اللَّهْ الْمْضَوِّي فْوْجَهْ يَسُوعْ الْمَسِيحْ.