Popular Bible Verses from ROMENA 12

Share

Nigi ma ligi tuwgi ŋray hiɗi sa nagatnaɗi, may nigi ma muɗa kuɗ mu'da wulita vi varta vigiya, kay nigi fi wi minda vi Lawna, va ma ŋaana, ma kiram jifiya, ma pasiyakŋa.

Ɓosiyonna, nan siɗawgiya hiɗi slugota vi Lawna, a nigi ma ɗek tuwgi goyo ki ɗifinna ma irina, ma peldetna, ma kir Lawna ŋaana nala, kayni mi lopna vigiya kuɗ ŋusta tam Lawna.

Lakgi firiya hay cubta-sle'ta, ŋali hay zumalda, ŋiresl hay siɗawta.

Hin joot kol kaŋɗi, may naŋ ma kol kay joota hiɗi ŋaata.

Ligi ŋali jar-tuwgiya, tiygi kay tuwgiya, gargi kay sli yam tuwgi kulo'o hena suw hena.

Hin ti-kamda li bay mileta, ka gaw tam sle ma joona, vigi sle ma ŋaana dono'o.

La kayni nigi as a lumu, nigi ma lak hay toyta hiɗi sumun pet.

Sa hayan kigina, hotgi joot kay tuwgiɗi, may hin liyn kay ɦiyda. Ki ɗot ɗo'ay nala: Hot joota kayni mi nanu, Nan min vul wurakŋa, din Bum-Sumuna.

Lakgi lub-lub' hay ciwerta vigiɗi, may lakgi ciwer hay Ŋusta, sungi Bum-Sumuna.

Kay kuɗ slugota ta vuli manu, nan min di tam gige jargi kaf a nam ma niŋa niŋata ta suwtaɗi, ta calay goytaɗi kaw, may nam ma var ŋali, poy ŋali kaw kuɗ vun ɓurawta vi vida ta Lawn vul tam sana sana.

Wurakgi joota vi sa hiɗi joot noŋɗi. Gargit mi sle ma kir sumun pet ŋaana.

Tapgi varta vigi kepe, vargi kay sle ma suburtaɗi, may vargi kay sle ma kiɗayna, sargi tuwgi ki sum sa wi yal ŋol naɗi.

May, la mayt ci sa ma gawt kaŋŋa, naŋ ma vulum va ma ti'e, la laat lumu, naŋ ma vulum niy ma ci'e. Kay hay li ma naŋ ka li kayni, naŋ ka tok veŋ ma kuta kulo kalamu.

Gigi bol kay sum sa ligi lasi, gigi bolo, beɗgiɗi. Firigiya hiɗi nisi sa ka firiya, tiygiya hiɗi nisi sa ka tiya kaw.

Ŋomgi ŋil tuw sa peldetna, vigi rogoyna.

Kay ki ɓetna ŋolo ka tam tuw kepe, may ɓetna kaf lopna valam kepɗi. Nala kaw, nay sa ka hiɗi ɓetna ŋolo, nay tapay kep hay hay tuw ma kepna hay Kristu, nay kaf mi ɓetna vi tuway jar-tuwaya.