Popular Bible Verses from WID-ŊAYAYTA 3

Share

Humaŋu, nan ka coli vun-ziyna, nan ka daba. La san human delenawa, la nam mal vun-ziynawa goyona, nan ma kal vo valamu, nan ma ti fun hiɗi namu, namu hiɗi nanu kaw.

Nan wi lopna vaŋu, naŋ may sleɗay goyɗi, naŋ may giy kuɗi kaw. May nan min kayn ala naŋ ma li sleɗe kla, kuwa kla. May kay naŋ zumalay lub-lub' ɦawa, naŋ may sle'ɗi, kuɗi kaw, kay na'ta nan min lo'otaŋ goy hay vunanu.

Nisi kaf sa nan minsina, nan gatsiya, watsi kaw. Kay na'ta laŋ ciwerta, hamaŋu kaw.

Nan wi lopna vaŋu. Humaŋu, nan col vokaŋu vun-ziyn ma goy maliya ma sa fi dukumɗi, kay donota vaŋ kiɗaya, may naŋ ŋom yoboyna vanawa, kay naŋ min puw vunaŋ kay semda vanɗi.

Sa ma kolawana, nan ma musum hiɗi nanu hay zlamda-mulda vanu, ki nan kolawa, nan musawa hiɗi Bunu hay zlamda-mulda valamu nala kaw.

Kay naŋ di ala: Nanu sa ma faraya, slena van ka ŋolo, va ma nan bay fum mayɗi. May kay naŋ mi sa ma ɗuw sari, sa ma maŋaya, hawi, dukiya, goy nala'a kaw, naŋ may wi kaynɗi

Kay naŋ ŋom yoboyna ma so-tuwta hay nanu, nan kaw nan ma ŋomaŋu hay buura vi wakka ma min co gaa kay nagat kuɗulu, kay wak sum sa gaa kay nagata.

Hini neeɗa ɦawa nan ma co'o. Va ma ka hay ɓaŋŋa naŋ ma vum dono'o, kay sa ma sli bogorayna vaŋɗi.

Zliyaŋ kulo'o, vulaŋ donot mi ma hinina, ma ka goboy hiɗi mitta, kay lopna vaŋu nan may fum ɗiger vok ir Lawna vanɗi.