Popular Bible Verses from WID-ŊAYAYTA 16

Share

Humgiya, nan ka co'o ki sa ma kulla nala. Sle'ta ka kay sa ma mus jigere, ŋom sligara valamu kaw, kay nam ma poy goy nalaɗi, kay a nisi wi zulota valamɗi.

Sunda-wuralawna ma karkiyana ɦok kaway-ma-cina valamu goy kay niy-lum ma ŋolla Eufrata, niyna hiɗak goyo kay kot hagata kay muliyan sa may kuɗuw pana.

Kayni mi ŋusiyana vi fuliyana, nisi li ɗekka, nisi tuɗ tam muliyana vi nagat kafe, kay toksi kay duura vi buur ma ŋolla vi Lawna, ma Gaŋeraŋ-Petna.

Nan wi ŋusiyan ma liwisna ɦidi, sli luura nala, nam kalay goy hay vun guy ma ŋolla, goy hay vun muura, goy hay vun sa-jobta sa bay-gasina kaw.

Zalla ma ŋolla war sumuna goy ŋolo. May nisi ŋul semda vi Lawna ma gaŋeraŋa valam ka'a kay bakmara namna, nisi min ham goyo kay hot vul suburta tam Lawnɗi.

Sunda-wuralawna ma jewna kaliya, nam ɦok kaway-ma-cina valam goy kay nagata. Mil guɗoŋ ma guɗulina ma ɓas ŋolo vi sum sa tumda vi muura tisin kaf, hiɗi nisi sa girif gaa vok va ma sli tuw muura kaf kaw.

Nisi tok tuwsi hay liy ma yum hay vun Hebren ala Harmagedon.