Popular Bible Verses from WID-ŊAYAYTA 13

Share

Tan kayni mi yalla. Sa ma yalla valam ka'a, nam ma ŋaɓ nimerona vi muura. Kay namu mi nimerona vi sana, nimerona valam kis-karkiya kalam dok-karkiya yam karkiya.

Sum sa hay nagat kaf ma girif gaa vokomu, nisi sa hay tun cawta vi nagat pa, sesi may ɗoy hay ɗerwelda vi goor ɦu-dimina ma ay ŋataynaɗi.

Nam ka li'e kay sumuna kaf, la si sa ŋulona lebo sa gurayna, sa farayna hiɗi sa hawna, sum sa goy butina lebo sa gorvona, kaf ma fi tumda hay ɓisi ta jufta lebo hay voksiya, kay la san may hiɗi tumda hiɗi semda hiɗi nimerona vi muura talamɗi, nam as gus vaɗi, nam as gus va goyɗi kaw.

Sa ma nagay a kal hay daŋgayna nam ma kal daŋgayna, sa ma nagay a kew-gaferaŋa calamna, kew-gaferaŋa ma calamu may. So-tuwta hiɗi vida vi sa peldetna ka tani.

Bugolda nan wi muura mara'a ma jikay kulo goloŋ hay niy-lumna pa, ma miyokom doogo, yalam siɗiya, bogoray doogo ka kuluɓi kay miyokom ma doogona. Semda vi ŋulda ka tuni kay yalamu.

Nam fi donot kay dur hiɗi sa peldetna, kay kol kisiya kaw, nam fi donot kay jaf-sumuna hiɗi sumuna hiɗi vun sumuna hiɗi nagat tarige tarige pet.

Nam ɗut sum sa hay nagatna goyo hiɗi ɗutta ta hagat vuli talamu kay la' vok ir muura, nam di tam sum sa gaa kay nagata kay nisi ma ceɗ va ma sli tuw muura ma tuwam ay kaay goy mili, may wulini nam ka iriya lona. Donot vuli talamu kay vul suk ma irina mi va ma sli tuw muura, kay va ma sli tuw muura ma lawa, kay sum sa girif gaa vok muuraɗina nam ma cisi goy kafe.

Muura ma nan wi'e sli zinilla nala, selemu ki sem ursena nala, vunam ki vun zlona nala, guy ŋolla vulum donota valamu, zlamda valamu hiɗi gaŋeraŋa valamu.

Vunna vuli talamu kay di yoboy ma galakŋa hiɗi ŋulda, donota vuli talamu kay li ki kayn nala ta-ta hay ir til dok-fiɗi yam ma'.

Yalam ta kepta ay ki na' kaay goy mil ŋolo nala, may mil namna citiy cit. Sum sa hay nagat kaf ka jiɓer kuɗ muura, nisi tap kuɗumu.

Bugolda nan wi muura mara'a duɓi goy hay nagata pa, miyokomu ki goor ɦu-dimina nala, delem law ki guy ŋolla nala. Nam li lop hiɗi gaŋeraŋa vi muur ma jewna, vok iramu kaw, nam li a sum sa hay nagat kaf girif gaa vok muur ma jewna, ma tuwam ma kaay goy milla ay citiy cit'.