Popular Bible Verses from HEBRENA 8

Share

Kay nan ma lisi slugota kay bay-ɗigerta visiya, human ma gan kay sulukŋa visi loɗi.

May kayni ti bonota ta nan min tuna' jaran hiɗi jafna vi Israyel, bugol buur namna kayni, din Bum-Sumuna: nan ma kal gatta van kalaf hay yamda-wida visiya, nan ma ɗom hay diksiya kaw; nan ma mus mi Lawna visiya, nisi ma lak si sumuna vanu may.

Sa jarsiya ma hat niramna ma hay nagata hiɗi nam kepna loɗi, Sa as di tam ɓasulumna kaw ala: Waŋ Bum-Sumunaɗi. Kay nisi kaf ma wanu, tun caw tam ma goora pa, ta-ta tam ma ŋolla ma jarsina dab'.

Kuɗ kayni Lawna lawsi ɦiy ala: Ɗuwgi buur ka ma'a, din Bum-sumuna, liyn ma nan jun bonota wulita hiɗi jafna vi Israyel, hiɗi jafna vi Yuda kaw.

May va ma ŋolla hay sle ma nay di kalamna ka ki kayn nala: Nay ka hiɗi mul ŋol ma-ɗifinna ma mus gaa gal ɓamta jufta vi zlamda-mulda vi gaŋeraŋ ma gajijita hay wuralawna