Popular Bible Verses from EZEKIYEL 37

Share

Nam di tanu: Daŋ vun-jobta tam zok namna, naŋ ma di talam ala: Zok ma soy goyna, humgi yoboyna vi Ma-Vatɗina. Bum-Sumuna Ma-Vatɗina ka di tam zok namna ala: Humgiya, nan min hin sukŋa kal haygiya, nigi ma hot iri lo

nan ma si sutayn tigiya, nan ma hin sliwn si tigiya, nan ma bar ɗigiy tigiya, nan ma kal sukŋa haygiya, nigi ma lak iriya. Nigi ma wi ala nanu mi Ma-Vatɗina.

Nam di tanu: Goora vi sana, zok namna lakŋi hot muɗ iri lo su? Nan hotom dit ala: Bum-Sumuna Ma-Vatɗina, wi kayn mi naŋu.

Ma-Vatɗina kal donota valam hayanu, tuɗ colan goy jar liy ma lokŋa; nam ay hobay cep-cep' hiɗi zokŋa. Nam jikan kat zokŋa, kulo talam goboyo. Zok namna ay molay ŋolo, molay gaa hay lokŋa, soy goy ŋolo kaw.

Nan ka di vun-jobta, ki hagata vuli tan nala. Hay li ma nan ka di vun-jobta, suwan li'e: Slen geɗa, zokŋa ɦur kulo tam tuwam goboyo, hena tam hena. Nan ɗuw kayni, sutayna ka siy tam zokŋa. Sliwn tun caw si tam zokŋa, ɗigiyna bur kay sliwna, may sukka tay hayam noŋɗi.