Popular Bible Verses from 2 PETER 2

Share

Kay nisi sa vi kuɗ Bum-Sumuna nam wi kay suɗsi goy hay wakka pa, nam as ŋom sa bay-ɗigera kaw kay watsiya hay buura vi kitata

Lali nisi wi hagata vi ɗigerta jewɗi, kayn ŋaa'a kisiya suw ma nisi wa'na, may nisi cal goy hiɗi vun-ma-gatna ma peldetna ma vuli tisina. Van li tisiya ki law ma nir-niramna ma gasina di nala ala: Diyna hot ti vinna valamu, bagumda muz tuwa' goyo, may hot goɓ tuwa' hay torɓok ma liwisna.

Nisi disi ala nisi buti goyo, may nisi kay tuwsiya si gorvona vi joota, kay san gigekaw mi gorvona vi va ma nam juni gaa kuɗumna.

Kay na'ta la nisi hin liwista vi nagatawa goyo kuɗ wida vi Bum-sumuna ma su'da Yesu Kristu, may bugolda la nisi hin tuwsi hot hay mara lo, nisi ma fi lawt ŋolo suw ta jewta.

Hay jewe sum sa jobta-Lawna sa bay-gasina ay dusi goy jar sumuna ŋolo, nala kaw sum sa hat hatta ta bay-gasita ma mar hatta ta ɓuraw vun sumuna hiɗi hatta ta mar ba-goyta jarsiya, nisi ma puw vunsiya kay mulla visiya ma butsi goyna, nisi ma mar ba-goyta kisi gosoyo.