Popular Bible Verses from 2 PETER 1

Share

Donota vi Lawna vulay slen pet ma as gutay kay lak hay irita hiɗi poyta ŋaata, kay nam muɗay a wi nam ma yayawa kuɗ gajijita valamu hiɗi ŋaata valamu. Hay kayni deŋga ta ŋaata hiɗi deŋga ma ŋulona ma vuli taya, kay hiɗi kayni nigi ma muɗ si sum sa sli tuw Lawna, hay li ma nigi pir kay buwta ta ka hay nagata hiɗi darta vi sliwna.

Kay na'ta kayni, nigi ma gar hiɗi vida vigi dono'o kay tap ŋaata tam vida vigiya, tam vida vigiya nigi ma tap wida, tam wida vigiya nigi ma tap tel-tuwna, tam tel-tuwna nigi ma tap so-tuwta, tam so-tuwta nigi ma tap poyta ŋaata, tam poyta ŋaata nigi ma tap minda kay ɓosiyogina, tam minda kay ɓosiyogina nigi ma tap ti-kamda.

Kay na'ta, la slen kayni ka haygiya, la nam ka biya'a kaw, nam as hingi lak bay li lopnaɗi, as hingi bay vuɗnaɗi kaw, kay nigi ma wi Bum-Sumuna vaya Yesu Kristu.

Kay na'ta ɓosiyonna, sogi tuwgi dono'o kay yita vigiya hiɗi vilekka vigiya ma muɗ dono'o, la nigi li slen kayni, nigi ma sli zlaraŋgaɗay noŋɗi.