Popular Bible Verses from 1 MULIYANA 3

Share

Naŋ ma vulan dikga ta yali kay ŋom sumuna vaŋu, kay poŋ ir ŋaata hiɗi joota. Kay sumuna vaŋ nisi sa ŋol hini-hinin kayni sa ma as ŋomsi ɗawni mi gige?

Humaŋu, nan min li kuɗ va ma naŋ jobomu. Nan ma vulaŋ dikga ta yal ŋolo, a sa jewaŋ naŋ kaw ma as ŋra hiɗi naŋ mayɗi, sa mara ma bugolaŋ kaw ma as ŋra hiɗi naŋ mayɗi.

Ki kayn nala Lawn dumu: Kay naŋ jobom mi van kayni, kay naŋ may jobom mi mus ma hay nagat ta-tanaɗi, faraynɗi, mitta vi sum sa gaw kaŋŋaɗi kaw, kay naŋ joba' ti yalda kay li lop ma ɗigera

Lo, nan min vulaŋ va mara'a ma naŋ may joban kalamɗina, kayni mi farayna hiɗi gajijita, a hay buura irita vaŋ kaf mul mara ma as ŋra hiɗi naŋ mayɗi.

La naŋ poy hay hagat ta nan ɗekaŋ ka'ta, la naŋ li kuɗ gatta hiɗi vun-ma-gatna vanu, ki buŋ David li nala, nan ma ɦuraŋ buraŋ voko.

Hay Gabawon, Ma-Vatɗin vul tuwam kir Salomon hay duwayta hay henjeta. Lawn dumu: Jobaŋ va ma naŋ mina, nan ma vulaŋga may.

Wulin kayni, Ma-Vatɗina Lawna vanu, naŋ hinanawa ti mulda hay baŋal bunu David, nanu mi goor ma joriyo tuwa, nan wi yal mulda tuwaɗi.

Jobta vi Salomon na'ta cuk kuɗ hay Bum-Sumuna.

Salomon hot dita: Sa ma sunda vaŋu bunu David naŋ lum ŋaa'a ŋolo, kay nam poy vok iraŋ hay vida, hay ɗigerta hay gasita vi dikga; naŋ ŋom ŋaata ŋolda na'ta kayni ir malamu, naŋ vulum goor ma vurna baŋalam hay mulda, ki sumun ka wi vaydi nala.

Nan ka jar jaf-sum sa naŋ vileksina, sum sa ŋol hini-hini, sum nisina sa as ŋaɓsi goy noŋɗi, kay nisi ka suwi ŋol ku'u.