Nan min tuɗ hay hagat ta sumun jik haya' kafta. Laŋ tuwaŋ dono'o, laŋ tuwaŋ ki sa ma juf nala. Humaŋ kuɗ vun-ma-gatna vi Ma-Vatɗina Lawna vaŋu, poyaŋ hay hagata valamu, ŋomaŋ gatta valamu, dita valamu, kitata valamu hiɗi yoboyna valamu, kuɗ sle ma ɗoy hay ɗerwelda vi sa ma jobta Musus, kay sle ma naŋ min lum kafna ma li hay liyamu hay liyn kaf ma naŋ min muɗ iraŋ hayamna, kay hob vun yoboyn ma Ma-Vatɗin dum kan ala: La gurona vaŋ ŋom hagata visi ŋaa'a, poy ɗigere vok iranu hiɗi diksi kaf hiɗi ciwta visi kaf kaw, bugolaŋ ɗawni zlamda-mulda vi Israyel sa ma mus ka' dok-doko.