Popular Bible Verses from Mateo 21

Share

Sichum imatapas iñiywan mañakuspaykichikqa chaskinkichikpunim, nispan.

Chaymi Jesusñataq nirqa: Cheqaptapunim nikichik, sichum iñispaykichik mana iskayrayaspaqa manam kay higos sachawan ruwasqayta hinallachu ruwawaqchik, aswanqa kay orqotapas niwaqchikmi: “Kaymanta suchuspa lamar qochaman wischukuykuy” nispaykichik, hinaptinqa chaynam kanman.

Ñawpaqninta qepanta riq runakunañataqmi qaparirqaku: ¡Yupaychasunchik! ¡Salvaykullawayku! ¡Señorpa sutinpi hamuqqa qapaqchasqayá kachun! ¡Hanaq pachapi munaychakuq Dios salvaykullawayku! nispanku.

Hinaspam nirqa: Chuya Qellqapim nichkan: “Temployqa mañakuna wasiwan sutichasqam kanqa”, nispa; qamkunam ichaqa suwakunapa machayninta hinaña ruwarunkichik, nispa.

Paymi kaynata qellqarqa: Sión llaqtata niychik: “Reynikim qanman hamuchkan, asnopi silladam humildella hamuchkan, carga asnopa wawanpi silladam hamuchkan”, nispaykichik.

Jesusñataqmi nirqa: ¿Manachu Qellqapi leerqankichik: “Wasi perqaqkunapa wischupakusqanku rumim cimientopa esquinan hapiq rumiña rikurirun. Kaytaqa Diosmi ruwarun, chayraykum anchata admirakunchik, nisqanta?” nispa.

Chaynaqa, nikichikmi, Diospa munaychakuyninmi qamkunamanta qechusqa kanqa, hinaspam Diospa munaychakuyninta ruruchiq llaqtamanña qosqa kanqa.