Popular Bible Verses from Josué 10

Share

Hinaptinmi intipas killapas sayarurqa llapa enemigonkuta Israelpa mirayninkuna vengakunankukama. Chaykunaqa Jaserpa libronpi qellqasqam kachkan. Intim chawpi punchawpi sayaruspan huk punchawpuni mana seqaykurqachu.

Amorreokunata Israelpa mirayninkunaman Tayta Diospa qosqan punchawmi, Israelpa mirayninkunapa qayllanpi Tayta Diosta qayakuspan Josué nirqa: Inti, Gabaón llaqtapa altonpi sayay, killa, Ajalón qechwapa altonpi sayay, nispa.

Manam chayna punchawqa karqachu ñawpaqtapas nitaq qepatapas. Chay punchawllapim Tayta Dios kasurqa runapa chayna mañakusqanta. Chaynatam Tayta Dios ruwarqa Israelpa mirayninkupa favorninpi peleaspan.

Hinaptinmi Josueyta Tayta Dios nirqa: Ama manchakuychu, paykunataqa ñoqam makikiman churasaq. Manam mayqanninpas qanwan peleaytaqa atinqakuchu, nispa.

Josueyñataqmi nirqa: Ama manchakuychikchu nitaq hukmanyaychikchu. Kallpanchakuspa qarinchakuychik. Kaynatam Tayta Dios ruwanqa contraykichikpi peleaq llapallan enemigoykichikta, nispa.