Popular Bible Verses from Gálatas 5

Share

Chuya Espiritupa ruruyninñataqmi kaykuna: Kuyakuy, kusikuy, hawkayay, pacienciakuy, sumaq sonqoyuq kay, kuyapayakuy, iñiyniyuq kay, llampu sonqolla kay hinaspa genionchik controlakuy. Kay allin ruwaykunapa contranpiqa manam ima leypas kanchu.

Chaynaqa, nimuykichikmi: Chuya Espiritupa munasqanman hina kawsaspaqa, aychapa munasqantaqa amaña ruwaychikchu.

Sichum Chuya Espirituman hina kawsaspaqa, Chuya Espirituman hinataqyá purisunpas.

Haykam Jesucristopiña kaqkunaqa aychapa munasqantaqa, munapayayninkunatawan kuskatam chakatarunchikña.

Suti reqsiyllam aychapa munayninkunaqa, chayqa kaykunam: Waqllikuykuna, uywanakuykuna, millakuypaq ruwaykuna, manaña penqarikuspa qanrakuykuna, ídolo yupaychaykuna, layqanakuykuna, cheqninakuykuna, liryanakuykuna, envidiakuykuna, piñakuykuna, kikillanpaq imapas munaykuna, rakinakuy hatarichiykuna, pantaywan apachikuykuna, hukpa kaqnin munapayaykuna, (wañuchinakuykuna), upyakuykuna, mikuysapa kaykuna hinaspa chaykunaman rikchakuq tukuy rikchaq huchakuna. Ñawpaq nisqaytam huktawan nimuykichik: Chayna huchakuna ruwaqkunaqa manam Diospa munaychakusqanmanqa yaykunqakuchu.

Wawqe-panillaykuna, Diosqa libre kanaykichikpaqmi qayasurqankichik. Ichaqa libre kaynikichiktaqa amayá aychapa munasqanpaq hinachu hapiychik, aswanqa kuyakuywanyá huknikichikmanta huknikichikkama yanapanakuychik.

Aychapa munasqanqa Chuya Espiritupa contranpim kachkan, Chuya Espiritupa munasqanñataqmi aychapa munasqankunapa contranpi kachkan. Iskayninku contranakuptinmi munasqaykichik ruwaytaqa mana atinkichikchu.

Diosmi kamachiwarqanchik: “Kuyankim runamasikita kikikita hina”, nispa. Lliw leykunam kay huk kamachikuyllapi huñunakun.

Amayá hatun tukuqqa kasunchu, hukninchikmanta hukninchikwanqa ama piñanakusunchu nitaq envidianakusunchu.

Cristom judiokunapa kamachikuyninkunamanta librawarqanchik. Chaynaqa, qaqa hina sayaspayá amaña yugoman watasqa esclavo hina kawsaymanqa kutiriychikchu.