Popular Bible Verses from 1 Corintios 15

Share

Chaynaqa, kuyasqay wawqe-panillaykuna, qaqa hina sayaspayá Señorpa llamkayninpi aswan llamkaychik. Qamkunaqa yachankichikmi Señorpaq llamkasqaykichikqa manam yanqapaqchu kanqa.

Ichaqa Diosman gracias kachun Señor Jesucristowan vencesqanchikmanta.

Amayá engañachikuychikchu, mana allin rimaykunaqa allin kawsakuytam pierdechin.

Ichaqa Diospa kuyapayakuyninman hinam kunanqa apostolña kani, paypa kuyapayawasqanqa manam yanqapaqchu karqa, ñoqaqa llamkachkani wakin apostolkunamantapas mastaraqmi, ichaqa manam kikillaymantachu aswanqa Diospa yanapakuyninwanmi.

Yaw, wañuy ¿maytaq wañuchikuq kayniki? ¿Maytaq wañuchina puyaykiqa?” Wañuypa puyanmi hucha, leyñataqmi huchapa atiynin.

Kunanmi manaraq pipapas yachasqanta nisqaykichik: Manam lliwchu wañusunchik, ichaqa lliwmi tikrasqa kasunchik. Huk ñawi qemchiyllatam trompetapa tukupay tocayninpi tikrasqa kasunchik, trompetata tocaykamuptinmi wañuqkuna kawsarimunqa manaña wañunankupaq, ñoqanchikpas tikrasqam kasunchik.

Imaynam kay pachaman wañuy huk runantakamalla yaykumurqa, chaynataqmi kawsarimuypas huk runantakamalla hamurqa. Imaynam Adanpa huchallikusqanwan llapallan runa wañun, chaynallataqmi Cristopi iñiqkunapas llapallan kawsarimunqa.

Kay tukuruqlla cuerponchikmi musoq pachawan pachakuchkaq hina mana tukuqman tikrakunqa, wañuqlla cuerponchikñataqmi wiñaypaq kaqman tikrakunqa.

Cristoqa munaychakunqa llapallan enemigonkunata Dios saruchinankamam. Qepallaña chinkachinapaq kaq enemigoqa wañuymi.